واٹس ایپ ءِ ڈیسک ٹاپ ورژن نوں فون ءَ ابید کارکنت
 |
| Photo Credit : TechBalochi |
واٹس ایپ ءِ بیٹا انٹر فیس ءِ نوکیں بیٹا ٹیسٹ ءِ تہاایکٹیو موبائل ڈیوائس ءِ کارمرزی ہلاس کنگ بوتگ۔
بزاں کہ ڈیسک ٹاپ ورژن کارمرز کنوکاناں نوں اسمارٹ موبائل ءَ چہ کیو آرکوڈ اسکین کنگ ءِ ضلورت نہ بیت۔
واٹس ایپ ویب ءِ نوکیں بیٹا ورژن ءِ تہا لاگ اِن کنگ ءَ گوں آئی ءَ رایک کلوہ یے ءَ گوں وش آتک کنگ بیت۔
اے کلوہ ءِ تہا آئی ءَ را سر پدی دئیگ بیت کہ نوں آئی ءَ را واٹس ایپ ءِ ڈیسک ٹاپ ایپ، ویب ورژن یا پورٹل کارمرز کنگ ءِ واستہ فون ءَ گوں لنک کنگ ءِ ضلورت نہ اِنت۔
کمپنی ءِ نیمگءَ چہ اے ام گشگ بوہگءَ اِنت نوں مردم یکیں وہدءَ چار ڈیوائسانی تہا وتی واٹس ایپ ءَ کارمرز کرت کنت۔
واٹس ایپ ءِ اے نوکیں فیچر ایندگہ میسجنگ ایپ ٹیلی گرام، اسکائپ، سگنل ء ُ فیس بک ءِ تہا پیسرءَ چہ است اِنت۔
اے فیچر انوں پہ ٹیسٹءَ بیٹا ورژن ءَ کار مرز بوہگءَ اِنت۔ ء ُ کلیں واٹس ایپ کارمرکنوکاناں انگت ءَ اے آسراتی سر نہ بوتگ۔ امیت ہمیش اِنت کہ باز زوت اے آسراتی کلیں مردماں سر بیت۔
اے باز کاری ایں فیچرے، اگاں فون ھراب بہ بیت تہ مردم کمپیوٹر یا ڈیسک ٹاپ ءَ چہ وتی سنگت ء ُ آزیزاں گوں ھال اھوال کرت کنت۔
0 Response to " واٹس ایپ ءِ ڈیسک ٹاپ ورژن نوں فون ءَ ابید کارکنت"
Post a Comment