واٹس ایپ ءَ وتی کارمرزکنوکانی نمبرانی پہریزگ ءِ جیڑہ ٹہینتگ
Thursday, 11 June 2020
Comment
واٹس ایپ ءِ گشگ اِنت کہ ما وتی کارمرز کنوکانی نمبرانی پہریزگ ءِ جیڑہ گیش ء ُ گیوار کرتگ۔
زانگ بہ بیت کہ واٹس ایپ کارمرزکنوکانی نمبر ”گوگل“ ءِ سرچ رزلٹ ءِ تہا گندگ بوتگاں۔
”ٹیک کرنچ“ ءَ وتی یک رپورٹے ءِ تہا گشتگ کہ انٹر نیٹ ءِ پہریزکاری ءِ (سیکورٹی) زانتکاراتول جے رام ءَ واٹس ایپ کارمرزکنوکانی نمبر کہ ”کلک ٹو چیٹ“فیچرءِ تہا کارمرز بوہگءَ اَنت،آ درست گوگل ءِ سر چ رزلٹ ءِ تہاگندگ بوہگءَ اَنت۔
جے رام ءَ گشگ اِنت کہ ”کلک ٹو چیٹ“فیچر ءِتہاءَ یک لنکے جوڑ بیت کہ آئی ءِ تہا واٹس ایپ کارمرزکنوکانی فون نمبر گندگءَ کاینت۔
آئی ءِ گشگ اِنت کہ اے لنکانی واستہ ”سرور روٹ“ءِ تہا robot.txtفائل نیست پمیشکہ اے گوگل یا ایندگہ سرچ انجنانی تہا گندگ بنت۔
جے رام ءِ گشگ اِنت کہ آئی ءَ 3لاک فون نمبر گوگل سرچ رزلٹ ءِ تہا دیستگ۔ء ُ آئی ءِ گشگ اِنت کہ ' site:wa.me ' سرچ کنگءَ چہ نمبرا ں شوہازکرت کن اِت۔
”ٹیک کرنچ“ ءِ گشگ اِنت کہ اے اولی رند نہ اِنت کہ اے جیڑہ ءِ بابتءَ ”واٹس ایپ“ءَ را ھال دئیگ بوتگ بلکیں ایشیءَ چہ پیش ہم فروری ءِ ماہ ءَ WaBetaInfo ءَ ہم اے جیڑہ دیما آؤرتگ۔
نوں واٹس ایپ ءِ گشگ اِنت کہ ما اے جیڑہ ٹہینتگ۔ بلے زانگ بہ بیت کہ اے یک مزنیں سیکورٹی ءِ جیڑہ یے اَت کہ باز دیراں داں بوتگ۔
واٹس ایپ ءِ یک ذمہ وارے ءَ اے سیکورٹی جیڑہ ءِ بابتءَ تران کنانءَ گشت کہ”کلک ٹو چیٹ“ فیچر،واٹس ایپ کارمرز کنوکیں کسانیں بے پاریانی واستہ جوڑ کنگ بوتگ۔
0 Response to "واٹس ایپ ءَ وتی کارمرزکنوکانی نمبرانی پہریزگ ءِ جیڑہ ٹہینتگ"
Post a Comment