شیاؤمی ءِ نوکیں گھڑیال”می بینڈ 5“ شنگ کنگ بوت

فوٹو بشکریہ شیائومی

شیاؤمی ءَ وتی نوکیں گھڑیال ”می بینڈ5“ گوں مزنیں اسکرین ء ُ ارزانیں نہاداں شنگ کرتگ۔

شیاؤمی ءِ بینڈ گھڑیال گوں وتی ارزانیں نہاداں ء ُ جوانیں تپاس کاری(ٹریکنگ) ءَ چہ تیوگیں دنیا ءَ نامدار انت ء ُ دوست دارگ بنت۔

می بینڈ 5ءِ ڈسپلے ایندگہ”می بینڈ“آں چہ مستر کنگ بوتگ۔وہدے کہ جان دُراہی ءِ تپاسکاری (ٹریکنگ)ءِ تہا گہتری آرگ 

زبوتگ۔ء ُ ایشیءِ چارج کنگ ءِ تہا ہم چکمک ءِ ڈولیں آسراتی آرگ بوتگ۔  

فوٹو بشکریہ شیائومی

می بینڈ 5ءِ  اسکرین 1.2انچ اِنت ء ُ ایشی ءِ کلر امولیڈ ڈسپلے ایندگہ بینڈاں چہ 20درسد مستر اِنت۔

   

ایشیءِ تہا وائس سپورٹء ُ فاسٹ ٹریکنگءِ واستہ پیسری ءَ چہ گہتریں پراسیسرء ُ جان ءِ تپاسکاری ءِ (ٹریکنگ) ءِ یک فیچرے ہ دئیگ بوتگ کہ آ تراحال دنت کہ نوں ترا آرام کنگی اِنت۔ 

کمپنی ءِ گشگ اِنت کہ اے بینڈ تئی واب ءَ ہم جوانی ءَ تپاسیت (مانیٹر)ء ُ ترا حال دنت کہ تو گران واب بوتگ ئے یا سبک واب۔

کمپنی ءِ اے ہم گشگ اِنت کہ اے بینڈ 50درسد یک ء ُ ٹک تئی دل ءِ دریکگاں ہم چاریت ء ُ تپاسیت۔ ء ُ  بیرومیٹر ء ُ ریموٹ شٹرفنکشن ءَ چہ عکس ہم کشیت۔

اے بینڈ ءِ تہا چکمک والا چارج ءِ آسراتی بینڈ ءِ چیرءَ دئیگ بوتگ کہ چارج ءِ تار ءِ نزیکءَ برگءَ چہ تار وت چو چکمکءَ بینڈءِ چیرءَ لچیت۔

می بینڈ5چین ءِ تہا 229چینی یوآن ءَ پہ بہا نہادیءَ پیش کنگ بوتگ بلے گمان اِنت کہ ایشیءِ نہاد ماں پاکستانءَ 5300ءَ چہ گیشتر بوت کنت۔