فیس بک ءِ عکس ء ُ ویڈیوانا ں نوں گوگل فوٹوز ایپ ءِ تہا برگ ارزان
Saturday, 13 June 2020
Comment
فیس بک ءِ عکس ء ُ ویڈیوانا ں نوں گوگل فوٹوز ایپ ءِ تہا برگ ءِ آسراتی دئیگ بوتگ۔نوں باز ارزانی ءَ گوں فیس بک ءِ عکس ء ُ ویڈیواناں گوگل فوٹوز ایپ ءِ تہا برگ ارزان اِنت۔
اے آسراتی دسمبر 2019 ءَ اولی برا یورپی ملک”آئرلینڈ“پیش کنگ بوتگ۔پدا ایشیءَ چہ رند 2020ءِ بنداتءَ اے آسراتی ایندگہ یورپی ملکاں دئیگ بوتگ۔ ء ُ پدا اپریل ءِ ماہ ءَ امریکا،کینیڈا ءَ دئیگ بوتگ بلے نوں کمپنی ءَ جار پرینتگ کہ اے آسراتی ءَ فیس بک ءِ کلیں کارمرز کنوک نپ زرت کن اَنت۔
اے ”ڈیٹا پورٹ ایبلٹی فیچر“ ءِ سببءَ نوں فیس بک کارمرز کنوک تچکءَ تچک وتی عکس ء ُ ویڈیوانی کاپیاں گوگل ءِ ”فوٹواسٹوریج سروس“ ءِ تہا ”انکرپٹڈ“برت کن اَنت۔ایشیءِ واستہ المی نہ اِنت کہ وتی عکس ء ُ ویڈیاناں ڈاؤن لوڈ بکن ء ُ گوگل فوٹوز ایپ ءِ تہااپلوڈ بکن۔
وتی عکس ء ُ ویڈیواناں فیس بک ءَ چہ گوگل فوٹوز ایپ ءِ تہا برگ ءِ واستہ فیس بک ءِ سیٹنگز مینوءِ تہا روگ کپیت۔اودءَ کشءَ شمارا ”یورفیس بک انفارمیشن“ ءِ نام ءَ یک آپشن ے گندگءَ کئیت۔ ہمے آپشن ءِ کلک کنگءَ پد یک دگہ تاکدیمے پچ بیت۔ہمے تاکیدیم ءِ تہا شمارا ”ٹرانسفر اے کاپی آف یورفوٹوزآر ویڈیوز“ءِ یک آپشن ے گندگءَ کئیت ہمیشیءِ کلک کنگءَ چہ شما وتی کلیں عکس ء ُ ویڈیواناں گوگل فوٹوز ایپ ءِ تہا گوں ارزانی ءَ برت کن اِت۔
اے آسراتی تنی ءَ بس گوگل فوٹوز ایپ ءِ واستہ دئیگ بوتگ بلے فیس بک ءِ گشگ اِنت کہ باز زوت ایندگہ ایپلی کیشنانی واستہ ہم اے آسراتی دئیگ بیت۔
اے آسراتی گوگل، مائیکرو سافٹ، ٹوئٹر ء ُ فیس بک ءِ میان ءَ بوتگیں راضی نامہ ءِ ”ڈیٹا ٹرانسفرپروجیکٹ“ ءِیک بہر ے۔ کہ ایشیءِ مول ء ُ مراد گوگل، مائیکرو سافٹ، ٹوئٹر ء ُ فیس بک ءِ میانءَ حالانی برگ ءِ کار ارزان بہ بیت۔
0 Response to "فیس بک ءِ عکس ء ُ ویڈیوانا ں نوں گوگل فوٹوز ایپ ءِ تہا برگ ارزان"
Post a Comment