اینڈرائیڈ11گوں 5 نوکیں آسراتیاں ساڑی اِنت

اینڈرائیڈآپریٹنگ سسٹم ہما سسٹم اِنت کہ مئے موابائل فونانی تہا مان اِنت۔ انچو کہ یک کمپیوٹرے ءِ تہا ونڈوسسٹم مان اِنت بالکل ہمے وڑافونانی تہا اینڈرائیڈ یک انچیں سسٹم ے کہ چریشی ءَ چہ موبائلءَ کار کنت۔ 

پہ لس مہلوک ءَ گوگل ءِ نوکیں اینڈرائیڈ 11آپریٹنگ سسٹم ءِ اولی ”بیٹا ورژن“ہمے ہپتگءَ پیش کنگ بوتگ۔کہ آئی ءِ تہا 5نوکیں آسراتی(فیچر) ہوارکنگ بوتگ۔

اے ”بیٹا ورژن“ گوگل پکسل 2یاگوگل پکسل فون ءِ تہاانسٹال کنگ بیت۔

گوگل ہر وہدءَ نوکیں اینڈرائیڈآپریٹنگ سسٹم ءَ سال ءِ گڈی سہ ئیں ماہانی تہا دیما کاریت ء ُ پدا کلاں پیش گوگل فونانی بہراش جوڑ کنت۔

ہر سال ءِ تہا اینڈرائیڈ آپریٹنگ سسٹم ءِ تہانوکیں نوکیں گیشی کاریت۔ء ُ اے رندءَ ہم ہمے وڑا پنچ نوکیں فیچر بزاں کہ آسراتی آرگ  بوتگ کہ  آہانی لڑ چوش اِنت۔

کوئیک کنٹرولز

نوکیں اینڈرائیڈ سسٹم ءِ تہا”کوئیک کنٹرولز“یک انچیں فیچرے کہ موبائل ءِ پاور بٹن ءِ دیراں داں کجگ ءَ چہ یک نوکیں ”کوئیک کنٹرولز“اسکرینے ظاہر بیت کہ گیش پاور کنٹرول ءِ آپشن ءَ دنت۔

میسجنگ ببل

 میسجنگ ببل فیس بک میسنجرءِ چیٹ ہیڈزفیچرءِ وڑا اِنت۔کہ ایشیءِ ”ایکٹیو“کنگءَ چہ یک کسانیں ببل اسکرینےءِ صورتءَ کہ شماہر وڑیں ایپ ے کارمرز کنگا ئے، آگندگ بیت۔

اے ببل ءِ کلک کنگءَ چہ یک کسانیں ونڈویے پچ بیت۔کہ آئی ءِ تہا شماوتی کلوہاں ونت ء ُ دیم دات کن اِت۔بزاں کہ ایپ ءِ پچ کنگ ءِ ضلورت نہ بیت۔وہدے کہ اے ببل ءَ شما وتی ھسابءَ اسکری ءِ سراہر کجا لوٹئیبرت کن اِنت۔ء ُ اگاں اے ببل ءَ اسکرین ءَ چہ گار کنگ لوٹ ئے گڈا فیس بک میسنجر ہیڈ چیٹ ءِ ببل ءِ وڑااے اسکرین ءِ جہل جہلءَ بر گءَ چہ گار بیت۔

اگاں شما لوٹ ئے کہ اے ببل اسکرین ءِ سرا گندگ مہ بیت ءَ گڈا ایپ ءِ تہا ہر چیٹ ءِ سراراستیں نیمگءِ کونہ ءَ یک کسانیں ببلے نوٹیفکیشن ءِ واستہ است اِنت ہمیشیءِ کلک کنگءَ چہ ببل فیچر کارنہ کنگ۔  

ایپ سجیشنز  

اینڈرائیڈءِ تہا انوں ایپ ڈرارءِ تہاایپ ءِ سجیشنز دئیگ بوہگءَ اَنت۔بلے اینڈرائیڈ 11ءِ تہا ایپ سجیشنزءِ قطار ہوم اسکرین ءِ سرامین ایپ ڈوک ءِ تہا دئیگ بوتگ۔

 اے اپیانی کشءَ ترپناکیں بارڈر بیت۔ ء ُ وہدے اینڈرائیڈ کارمرز کنوک ہوم اسکرین ءِ سرا فون کارمرز کنت گڈا ایپانی  تہابدلی کئیت۔وہدے ہر ایپ ءِ سراکمے دیراں کلک کنگ ء ُ دارگ ءَ چہءَ ایشیءَ راہوم اسکرین ءِ سراوتی سجیشن ءِ صورتءَ پَن کرت کن اِت۔

ہمے وڑا ایپانی بلاک ہم کرت کن اِت۔تاکیں آہاناں سجیشن ءِ تہا دیست مکن ئے۔

میوزک کنٹرولز

اینڈرائیڈ11ءِ تہا زیمر ءِ واستہ نوکیں ”میوزک کنٹرولز“ءِ انٹر فیس ے دئیگ بوتگ کہ سیٹنگز پینل ءِ تہا اِنت۔

 وہدے اے انٹر فیس ءَ کارمرز کن ئے گڈا زیمر ءِ گرء ُ دارءِ نوکیں آپشن ے گندگ بیت۔  

بلٹ ان اسکرین ریکارڈ

اسکرین ءِ سراءِ چیزانی اسکرین شاٹس ءِ آسراتی وَ پیسرءَ چہ است اِنت بلے نوں ایشیءِ تہا گہتری آرگ بوتگ۔بزاں وتی گوازی ء ُ گیماں ہم ریکارڈ کرت کن اِت۔ 

اے فیچرہم کوئیک سیٹنگزپینل ءِ تہا مان اِنت۔