واٹس ایپ ءِ لہتے نوکیں فیچر زوت پیدا ک اِنت
Thursday, 2 July 2020
Comment
واٹس ایپ ءَ جار جتگ کہ آ باز زوت لہتیں نوکیں فیچر پہ وتی کارمرز کنوکاں کاریت۔
لہتیں فیچر وَ پیسرا چہ بیٹا ورژن ءِ تہا است اَنت بلے نوں کمپنی ءِ گشگ اِنت کہ نوں کلیں کارمرز کنوکاں اے فیچر دز کپنت۔
اے فیچرانی تہا یک فیچرے کنٹیکٹ بزاں کہ نمبر درج کنگ ئیگ اِنت۔ اے ردءَ کمپنی ءَ یک ”کیو آرکوڈ“ے ءِ آسراتی آؤرتگکہ چریشیءَ چہ نمبر درج کنگ ءِ ضرورت نہ بیت بلکیں ہمے کیو آر کوڈ ءِ سکین کنگءَ چہ آ مردم وت تئی فون ءِ کنٹیک لسٹ ءِ تہا ہوار بیت۔
اے فیچر بیٹا ورژن ءِ تہا است بلے نوں ایشیءَ را ہمک کسے واستہ شنگ کنگ بیت۔
یک فیچر ے ویڈیو کال ئیگ اِنت کہ ایشیءَ را انگتءَ جوان تر کنگ بوتگ۔
ویڈیو کال فیچر ءِ تہا پیسرءَ 8مردم ءِ ہوریءَ گپ جنئگءِ آسراتی است اِنت بلئے نوں اے نوکیں فیچرءِ تہا تو ویڈیو کال ءَ ہواریں ہر کسے ءِ آئیکون ءَ اگاں کمے دیراں بکج اِت تہ آ فل اسکرین ءِ تہاکئیت۔
ہمے وڑا گروپ چیٹ ءِ تہا یک ویڈیو آئیکونے ہم دئیگ بوہگءَ اِنت تاکیں سنگل کلک ءَ چہ گروپ ویڈیو کال بنا کنگ بہ بیت۔بلے اے 8مردم ءَ چہ گیش والا گروپانی تہا گندگ بیت۔
یک دگہ فیچرے ”انیمیٹڈاسٹیکرپیکس“ءِ نام ءَ است اِنت کہ ایشیءِ آزمائش پیسر ءَ چہ بیٹا ورژن ءِ تہا بوہگءَ اِنت۔
اے انیمیٹڈاسٹیکر،واٹس ایپ ءِ ایندگہ اسٹیکرانی وڑا اَنت بلے فرق تہنا ایش اِنت کہ اے انیمیٹڈاَنت بزاں کہ سُر پُر کن اَنت۔
یک فیچر ے واٹس ایپ ءِ ڈیسک ٹاپ ورژن ءِ واستہ ڈارک موڈ اِنت کہ موبائل ایپ ءِ تہا پیسرءَ چہ است اِنت۔
واٹس ایپ کمپنی ءِ گشگ اِنت کہ اے چندے فیچر آؤکیں ہپتگ ءَ کلیں کارمرز کنوکاں دز کپنت۔
0 Response to "واٹس ایپ ءِ لہتے نوکیں فیچر زوت پیدا ک اِنت"
Post a Comment