گوگل ءِ جی میل ءِ تہا باز زوت بدلی آرگ بیت
Friday, 17 July 2020
Comment
ٹیکنالوجی دنیا ءِ مزنیں کمپنی ”گوگل“ءَ وتی ای میل سروس ”جی میل“ ءِ تہا بدلی آرگ ءِ جار جتگ،بزاں کہ جی میل ”ری ڈیزائن“ کنگ بیت۔ء ُ اے کار ءِ مول ء ُ مرادایش اِنت کہ جی میلءَ را”سلیک ء ُمائیکروسافٹ ٹیمز“ءِ سیمسراں آرگ بہ بیت۔
جی میل ءِ تہا بدلی آرگ ءِ اے کار ءِ تہا گوگل ءِ ایندگہ سروس چوش کہ گوگل ڈاکس، ڈرائیوء ُ کلینڈرءَ را یک جاہ ءَ آرگ بیت۔وہدے کہ نوکیں ری ڈیزائن کرتگیں جی میل ءِ تہا کارمرزکنوکانی دیما چار ٹیبز گندگءَ کئیت کہ آہانی تہا میل،چیٹ،رومز ء ُ میٹ فارویڈیوکالنگ ہوار بنت۔
 |
| فوٹو بشکریہ گوگل |
جی میل ءِ اے نوکیں آسراتی رومز سلیک رومزءِ دروشم ءَ اِنت کہ چریشیءَ چہ یکیں دفترءَ کارکنوکیں مردم ایکیں وہدءَ ہوریءَ کار کن اَنت۔
جی میل ءِ تہا بدلی آرگ ءِ اے کار کورونا وباءِ سوبءَ چہ کنگ بوہگءَ اِنت پرچاکہ اے وہدءَ گیشتر مردم وتی لوگاں چہ کارکنگ لوٹ اَنت۔
گوگلءَ اپریل ءِ ماہ ءَ جی میل ءِ تہا ”میٹ“ بٹن ءِ گیشیءِ آؤرتگ۔ تاکیں مردم ویڈیو کانفرنس ءِ آسراتی ءَ مپتءَ کارمرز بکناں۔ء ُ ہمے ویڈیو کانفرنس ءِ آسراتیءَ چہ تہنا اپریل ءِ ماہ ءِ تہا 30لکھ نوکیں مردم ہوار بوتگ۔
جی میل ءِ تہا اپ ڈیٹ ءَ رندچندے دگہ فیچر چوش کہ ”اسنوزنگ نوٹیفکیشنز“،”اسائننگ ٹاسکس“ ء ُ”ڈوناٹ ڈسٹرب فلٹر“ہم پیش کنگ بنت۔
جی میل ءِ ری ڈیزائن ءِآزمائش انوں دگہ کمپنیاں چہ کنگ بوہگءَ اِنت بلے اے سروس دیمءِ ماہ ءَ کلیں کارمرز کنوکانی واستہ پیش کنگ بیت۔
0 Response to "گوگل ءِ جی میل ءِ تہا باز زوت بدلی آرگ بیت"
Post a Comment