واٹس ایپء ُ ٹیلی گرام ءِ تہا سیکورٹی کمزوری ءِ گیش ء ُ گیوار

 Pexels فوٹو بشکریہ 

دنیا ءِ مشہور ء ُ نامداریں میسجنگ اپلیکیشنزواٹس ایپ ء ُ  ٹیلی گرام ءِ تہا یک مزنیں سیکورٹی کمزوری یے دیما اتک کہ چرائی ءَ ہیکرزاناں مہلوک ءِ عکس ء ُ آڈیو فائلاں تک دست رس رسیت۔

آن لائن سیکورٹی کمپنی Symantecءَ اے سیکورٹی کمزوری پدر کرتگ۔

کمپنی ءِ گشگ اِنت کہ اے میل ویئر ءَ چہ واٹس ایپ ء ُ ٹیلی گرام ءِ تہا ہیکرز مہلوک ءِ روان داتگیں عکساں بدل کرت کناں یا ای میل ءَ یک انچیں مردمے ءِ انوائس ءِ عکسے ءَ نمبراں گوں بدل کننت۔ء ُ اے وڑا ہما متاثریں مردم یک ردیں مردمے ءَ را ”زر“ دیم دئے اَنت۔   

یاد بہ بیت کہ اے ایپلی کیشنانی تہا ”اینڈ ٹو اینڈ انکرپشن“ اَست اِنت ء ُ اے مہلوک ءَ را سرکاری نگرانی ءَ چہ پہریزگ ءِ فیچر ے۔ء ُ اے فیچر ءِ بابتءَ گشنت کہ اے کمپنی ام مہلوک ءِ کلوہاں ونت نکن اَنت۔ 

اگاں کہ ”انکرپشن“ کلوہاناں پہریزگ ءِ یک فیچر ے بلے ایشی ءِ مراد اے نہ اِنت کہ اے اپیلی کیشنز باز محفوظ اَنت۔

ایشیءَ چہ پیش ہمے سال ءَ مئی ءِ ماہ ءَ یک رپورٹے ءِ تہا اے گشگ بوتگ بہ واٹس ایپ ءِ تہا موجودیں یک ھرابی یے ہیکرزاناں ڈیوائسز ءِ تہا بس یک فون کال ءِ سوبءَ ”اسپائی ویئر انسٹال“ کنگ ءِ موہ دنت۔

 Symantecءِ گشگ اِنت نوں کہ نوکیں کمزوری دیما اتک ءَ آ اکاؤنٹ ءَ ہیک کنگ ءِ موہ وَ ندنت بلے ایشیءَ را رد کارمرز کنگ بیت۔

اے کمزوری واٹس ایپ ء ُ ٹیلی گرام ءِ تہا میڈیا فائلز اناں اسٹور کنگ ءِ طریقہ کار ءِ تہا چیر اِنت۔

 وہدے فائلاناں ایکسٹرنل اسٹوریج ءِ تہا پہریز بیت تہ دگہ پیس آناں ایشیءَ تک سر بوہگ ء ُ ایشیءَ را بدل کنگ ءِ موہ رسیت۔انچوش کہ واٹس ایپ ءِ تہا عکس، ویڈیو یا آڈیوفائل فون  ڈیوائسانی تہا ”ڈیفالٹ“ محفوظ بنت وہدے کہ ٹیلی گرام ءِ تہا اگاں گیلری ءِ تہا پہریزگ ءِ آپشن ”ان ایبل“ بہ بیت تہ اے کمزوری ودی بیت۔

اے کمپنی ءِ چار ء ُ تپاسوکاں اے ”میل ویئر“ ءَ راچارگ ء ُ تپاسگ ءِ واستہ واٹس ایپ ء ُ ٹیلی گرام ءِ سرا دیم داتگیں عکس ء ُ آڈیو فائلانی تہا سوب مندیں تجربت کرتگ۔

واٹس ایپ ء ُ ٹیلی گرام ءِ نیمگءَ چہ تنی ءَ اے بابتءَ ہچ گشتانک دیما نہ اتکءَ۔

اگاں شما اے ایپلی کیشناں کار مرز کنگا ئے ء ُ اے سیکورٹی کمزوریاں چہ پہریزگ لوٹ ئے تہ وتی ڈیوائس ءِ میڈیا اسٹوریج ءِ سیٹنگ ءَ بدل بکن ئے۔  یعنی واٹس ایپ ءِ تہا سیٹنگ ءَ پچ بکن ئے ء ُ میڈیا ویزیبلٹی ءَ بند بکن اِت۔وہدے کہ ٹیلی گرام ءِ تہا  ”سیو ٹو گیلری“ ءَ بند بکن اِت۔