فیس بک ءِ تہا آڈیو چیٹ فیچرزوت پیداک اِنت
 |
| Photo credit : Facebook |
چاگردی رسانکدر”فیس بک“ ءَ پرے زوتاں نامدار بوؤکیں آڈیو چیٹ ایپ ”کلب ہاؤس“ ءِ دیم ءِ دارگ ءِ واستہ بازیں نوکیں ”سوشل آڈیو“پروڈکٹس آرگ ءِ جار جتگ۔
فیس بک ءَ آڈیو سوشل ایپ ءِ سرا کار بندات کرتگ۔
فیس بک ءِ نیمگءَ باز زوت آؤکیں ماہانی تہا بازیں آڈیو فیچر پیش کنگ بنت۔
فیس بک ءِ سروک مارک زکربرگ ءَ یک تاکارے ءَ گوں وتی آڈیو گلگدار ے ءِ تہا اے جار جتگ کہ مئے نِزءَ آڈیوپسند کنگ ءِ تہا بازگیشی اتکگ۔پرچا کہ ایشیءِ تہا دراجیں باوست ء ُ ملٹی ٹاسکنگ ءِ آسراتی دز کپیت۔
فیس بک ءِ نیمگءَ چہ ساؤنڈ بائٹس فیچر ے ام دیما آرگ بیت۔ کہ آئی ءَ چہ فیس بک کارمرز کنوک کسانیں آڈیو کلپ جوڑ کرت کناں ء ُ فیس بک ءِ تہا چو فوٹو ء ُ ویڈیو ءِ صورتءَ شنگ کرت کناں۔
مارک زکربرگ ءِ گشگ اِنت کہ کلب ہاؤس ءِ وڑا فیس بک ءِ نیمگءَ چہ یک انچیں ٹولے ءِ سرا ام کار بوہگءَ اِنت کہ آ مردماناں لائیو آڈیو چیٹ گوش دارگ ء ُ پداآہاناں ہمیشیءِ بہر جوڑ کنگ ءِ موہ دنت۔
”زوم“ءِ دیم ءِ دارگ ءِ واستہ کمپنی ءِ نیمگءَ چہ ”ویڈیو کانفرنسنگ ٹول رومز“ءِ آڈیوورژن ”لائیو آڈیو رومز“ءِآزمائش ام بوہگءَ اِنت کہ آؤکیں چندے ماہانی تہا پہ کارمرز کنوکاں پیش کنگ بیت۔
کمپنی ءِ گشگ اِنت کہ اے آسراتی ءَ چہ فیس بک ءِ تہا مردم پوڈ کاسٹ شوہاز کرت کناں ء ُ گوش داشت کناں۔
فیس بک ءِ نیمگءَ چہ ”اسپاٹی فائے“ءِ ہمرائی ءَ یک دگہ آڈیو پراڈکٹ ءِ سرا ام کار بوہگ ءَ اِنت۔
مارک زکربرگ ءِ گشگ اِنت کہ ما لوٹیں کہ مردم وتی دلپسندیں ازمکارانی نکانان شنگ کرت بکناں۔
0 Response to "فیس بک ءِ تہا آڈیو چیٹ فیچرزوت پیداک اِنت"
Post a Comment