آڈیو اسٹریمنگ ویب سائٹ”اسپاٹی فائے“ زوت پاکستانءَ لانچ بیت
 |
| Photo Credit : Getty Images |
دنیا ءِ مستریں آڈیو اسٹریمنگ زیمر ویب سائٹ ”اسپاٹی فائے“ءَ جار جتگ کہ آزوت ماں پاکستان ءَ وتی کار ءَ بندات کنت۔
اسپاٹی فائے ءِ شمار دنیا ئے مستریں آڈیو اسٹریمنگ ویب سائٹانی تہا بیت۔ء ُ اے ویب سائٹ ویڈیو اسٹریمنگ ءِ آسراتی ءَ ام دنت۔
اسپاٹی فائے زیمر فیسٹیول ءِ مراگش ام کنت۔ ء ُ اسپاٹی فائے ءِ سرا پوڈ کاسٹءِ مراگش ام بنت۔
اسپاٹی فائے ءَ را وتی پوڈ کاسٹ مراگشء ُ دنیا ءِ تہا گستا گستائیں زبانانی جوانیں کوالٹی ءِ زیمرءِ شنگ کنگ ءِ رِدءَ ام پجارگ بیت۔
گوستگیں سال ءَ اے ھال شنگ اَت کہ ”اسپاٹی فائی“2022ءَ وتی کارءَ پاکستان ءَ ام بندات کنت۔ ء ُ نوں کمپنی ءَ جار جتگ کہ باز زوت ماں پاکستان ءَ وتی کارءِ بندات کنت کہ باز وشیں ھالے۔
اسپاٹی فائے ءِ نیمگءَ چہ 22فروری ءَ وتی یک ٹیوٹ ءِ تہا اے گپ باور کنائینتگ کہ باز زوت کمپنی وتی کارءَ پاکستان ءَ بندات کنت۔
اسپاٹی فائے ءِ ٹویٹءَ جہلءِ لنکءَ چہ چاراِت کن اِت
https://twitter.com/Spotify/status/1363902761373495298
ٹویٹ ءِ رِدءَ اے گپ دیما اتکگ کہ کمپنی چیزے روچانی تہاپاکستان، بنگلہ دیش،سری لنکا ءَ ہوار ایشیائی ملکء ُ عرب ملکء ُ امریکا، افریقہ ء ُ یورپ ءِ بازیں ملکانی تہا وتی کار ءَ بندات کنت۔
آؤکیں ہپتگانی تہا ”اسپاٹی فائے“ءِ نیمگءَ چہ دنیا ءِ 80ءَ چہ گیش ملکانی تہا کاربندات بیت۔بلے انگتءَ اے نہ گیش اِتگ کہ پاکستان ءَ ایشیءِ کار کدی بندات بیت...؟؟
”اسپاٹی فائے“یک سویڈن والا بیپاری مردمے یے ءِ کمپنی اِنت کہ ایشیءِ بنجائی دپتر امریکا ء ُ سویڈن ءَ اِنت۔ء ُ ایشیءِ را بنداتی دورءَ تہنا سویڈن ء ُ رندءَ برطانیہ ء ُ امریکادیما آرگ بوتگ۔
اے وہدءَ ”اسپاٹی فائے“ گیش ءَ چہ گیش امریکا ء ُ یورپی ملکاں وتی آسراتی ءَ سر کنگااِنت۔بلے دنیا ءِ سیریں ملکانی تہا ام اے کمپنی ءِ آسراتی مہلوکءَ سر بوہگءَ اَنت۔
اسپاٹی فائے انوں سئے رنگیں آسراتی دئیگءَ اِنت کہ ایشانی تہا مپت اسٹریمنگ،میانی فیس، ء ُ پریمیم فیس ءِ آسراتی ہوار اَنت۔
0 Response to " آڈیو اسٹریمنگ ویب سائٹ”اسپاٹی فائے“ زوت پاکستانءَ لانچ بیت"
Post a Comment