مائیکروسوفٹ ءِ نوکیں آپریٹنگ سسٹم ”ونڈوز 11“ شنگ کنگ بوت
 |
| Photo credit : Microsoft |
مائیکروسوفٹ ءَ شش سال ءَ رند وتی نوکیں آپریٹنگ سسٹم ”ونڈوز 11“ شنگ کرتگ۔
کمپنی ءِ نیمگءَ چہ دیریں اے نوکیں آپریٹنگ سسٹم ”ونڈوز 11“ءِ ھال اِنت بلے نوں ایشیءَ رادیما آؤرتگ اش۔
اے نوکیں آپریٹنگ سسٹم ءِ تہا گیش دلگوشی نوکیں ونڈوز ایپ، ملٹی ٹاسکنگ،کارکردگی ء ُونڈوزیوزرانٹر فیس ءَ را سادھا جوڑ کنگ ءِ سرا دئیگ بوتگ۔
”ونڈوز 11“ ءِ تہا نوکیں اسٹارٹ مینوء ُ اپ ڈیٹڈاسٹارٹ بٹن دئیگ بوتگ۔ کہ ہر دوئیں ٹاسک بار ءِ میان ءَ اَنت۔
نوکیں ونڈوز ءِ انٹر فیس ونڈوز 10ءِ وڑا اِنت بلے ایشیءِ یوزر انٹر فیس ءِ واستہ کرتگیں بازیں کارونڈوز 11ءِ تہا آرگ بوتگاں۔
نوکیں اسٹارٹ مینو ءِ تہا لائیو ٹائلزکشگ بوتگ۔ایشیءَ ابید ایپس، ریسنٹ ڈاکو منٹسء ُ یک دگہ سرچ انٹر فیس آپریٹنگ سٹم ءِ بہر جوڑ کنگ بوتگاں۔
نوکیں ونڈوز ءِ تہا اپ ڈیٹڈ ڈارک ء ُ لائٹ موڈ ام است اَنت کہ ونڈوز 10ءَ چہ جوان تر اَنت۔
ونڈوزیازدہ ءِ تہا نوکیں بدلی اسنیپ لے آؤٹ اِنت کہ ایپساناں اسنیپ کنگءَ کمک کنت۔ء ُ ایشیءِ واستہ بازیں موڈزکمک ام دئیگ بوتگ۔
نوکیں ونڈوزءِ تہا اسنیپ گروپ لے آؤٹ ام است اِنت کہ ایشیءِ تہا ہما ایپس بنت کہ تو وت اسٹور اِش کن اِت۔
ونڈوزیازدہ ءِ تہا باز مانیٹرزءِ سرا کار کنگ ءِ کمک ام دئیگ بوتگ۔
مائیکروسوفٹ ءِ نیمگءَ چہ ”مائیکرو سوفٹ ٹیمز“ءَ را ام ونڈوز یازدہ ءِ بہر جوڑ کنگ بوتگ کہ ٹاسک بار ءِ تہابیت کہ چریشیءَ چہ مردم وتی سنگت ء ُ عازیزاں یا دپتری سنگتاناں فون کرت کن اَنت۔
ونڈوز ویجیٹس ء ُ ٹچ فیچرزام اے نوکیں ونڈوز ءِ بہر اَنت۔ویجیٹس انچیں پرسنلائزڈفیڈے کہ ایشیءِ تہا اے آئی پاور دئیگ بوتگ۔
ونڈوز یازدہ ءِ تہا ایپ اسٹوریک مزنیں بدلی یے زانگ بوہگءَ اِنت۔ پرچا کہ ایپ اسٹور ءَ را ری ڈیزائن کنگ بوتگ ء ُ ایشیءِ تہا گیش ءَ چہ گیش ایپ ہوار کنگ بوتگ۔کہ ایشانی تہا ٹک ٹاک، انسٹاگرام ء ُ دگہ اینڈرائیڈایپس ہوار اَنت۔
”ونڈوز11“ ءِ انوں بیٹا ورژن شنگ کنگ بوتگ کہ ڈویلپرزاناں پہ کارمرزی ءَ دئیگ بوتگ بلے اے سال ءِ گڈسرااے نوکیں سسٹم پہ لس مہلوک ءَ سر بیت۔
0 Response to "مائیکروسوفٹ ءِ نوکیں آپریٹنگ سسٹم ”ونڈوز 11“ شنگ کنگ بوت"
Post a Comment