مائیکروسافٹ ءِ ویڈیو کانفرنسنگ سروس پہ ہمک کس ءَ مفت کنگ بوت
Photo Credit: Microsoft
مائیکروسافٹ ءِ ویڈیو کانفرنسنگ سروس”مائیکروسافٹ ٹیمز“ کہ زوم و گوگل میٹ ءِ وڑا کار کنت، پہ ہمک کس ءَ مفت کنگ بوتگ۔بزاں کہ ایشیءَ نوں ہر کسے مفت کارمرز کرت کنت۔
گوگل میٹ ء ُ زوم ءِ دیم گیری ءِ واستہ مائیکروسافٹ کمپنی ءَ وتی ویڈیو کانفرنسنگ سروس”مائیکروسافٹ ٹیمز“ پہ کاروباری مردمانی واستہ دیما آؤرتگ بلے نوں ایشیءَ را پہ ہمک مردم ءَ مفت کنگ ءِ جار جتگ۔
اے مفت سافٹ ویئر ”مائیکرو سافٹ ٹیمز“ءِ بزنس ورژن ءِ وڑا اِنت کہ ایشیءِ تہا آفس 365ءِ سبسکرائپشن ء ُ ویڈیو کال ء ُ گروپ چیٹ ء ُ ایندگہ ٹول ام ہواراَنت۔
مائیکروسافٹ ٹیمز ءِ تہا24کلاک ءِ ون آن ون مفت ویڈیو کال ءِ آسراتی دئیگ بوتگ۔
ء ُ کمپنی ءِ نیمگءَ چہ گروپ ویڈیو کال ءِ واستہ24کلاک ءِ ام آسراتی ہم دئیگ بوتگ کہ ایشیءِ تہا 300 مردم ہوار کنگ بیت۔
کمپنی ءِ گشگ اِنت کہ مفت گروپ کال ءِ ساہت ء ُ مردمانی کساس کمے کمتر کنگ بیت بزاں کہ یک کلاکے ءِ تہا 100مردمانی گون ءَ گپ جنئگ بیت۔
بلے کمپنی ءِ نیمگءَ چہ فی الحال اے گپ تچک کنگ نہ بوتگ کہ کدی کال کنگ ءِ ساہت ء ُ مردمانی کساس کم کنگ بیت۔
مائیکروسافٹ کمپنی ءِ گشگ اِنت کہ آن لائن کالاں چہ مردمانی تہا اے مارشت ودی بیتگ کہ وہ آوتی دوستیں مردماں گوں ہوار اَنت۔
”مائیکروسافٹ ٹیمز“ءِ مفت سافٹ ویئر ڈیسک ٹاپ، ویب براؤزر، اینڈرائیڈ ء ُ آئی او ایس ءِ تہا دست کپیت۔
***
0 Response to "مائیکروسافٹ ءِ ویڈیو کانفرنسنگ سروس پہ ہمک کس ءَ مفت کنگ بوت"
Post a Comment