واٹس ایپ ءَ ”زر“ زورگ، کشگ ء ُ دیم دیگ ءِ آسراتی بندات کرتگ

فوٹو بشکریہ واٹس ایپ

واٹس ایپ ءَ ”زر“ زورگ، کشگ ء ُ  دیم دئیگ ءِ آسراتی بزاں ”پیمنٹ فیچر“بندات کرتگ۔

اے فیچر ءِ سرا واٹس ایپ ءَ دیراِنت کہ کارءَ بوتگ بلے نوں بنداتے کرتگ۔

واٹس ایپ ءَ اے فیچر انوں ”برازیل“ ءَ پیش کرتگ۔کہ ایشیءَ چہ و اٹس ایپ کارمرز کنوک وتی زرانی کشگ ء ُ دیم دئیگءَ ابید ہرچیز بہا ہم زرت کن اَنت۔ 

کمپنی ءِ گشگ اِنت کہ ”زر“ زورگ، کشگ ء ُ دیم دئیگ ءِ راہبند”فیس بک پے“ءَ چہ بیت۔بزاں کہ”فیس بیک مارکیٹ پیلس“ءِ تہاچیز بہا زورگ ءِ واستہ اے فیچر محفوظ اِنت ء ُ  میسنجرءَ چہ زر دیم دئیگ ہم بیت۔

انوں اے فیچر بس برازیل ءَ پیش کنگ بوتگ ء ُ 3بنکانی نیمگءَ یک کارڈے دئیگ بوتگ کہ ہمے کارڈ ءَ چہ کار بیت۔ء ُ زر ءِ کشگ ء ُ دیم دئیگ ءِ کار  6نمبروالا پن  یافنگر پرنٹ ءِ اسکین کنگءَ چہ بیت۔  

اے فیچرءَ چہ واٹس ایپ ءِ لس کارمرز کنوکاناں زر کشگ ء ُ دیم دئیگ یا چیزءِ بہا زورگ ءِ سرا ہچ ”فیس“ دئیگ نہ لوٹیت۔

فیس بک ءِ نیمگءَ چہ واٹس ایپ پیمنٹءِ سرا 2017ءَ چہ کار بوہگءَ اَت۔

سال 2018 ءَ انڈیا ءِ تہا ایشیءَ را اولی براآزمائشی صورتءَ پیش کنگ بوتگ۔بلے انڈیا سرکارءِ بازیں قانودی جیڑہانی سببءَ پورائیں صورتءَ انگت ءَ پیش کنگ نبوتگ۔

بلے نوں اے فیچر شنگ کنگ بوت۔کمپنی ءِ گشگ اِنت کہ باز زوت اے آسراتی واٹس ایپ ءِ ہمک کارمرز کنوکاں دست کپیت۔