انسٹا گرام ءِ تہا ڈیلیٹ بوتگیں پوسٹانی دوبرآرگءِ فیچر اَتک
Sunday, 7 February 2021
Comment
 |
| Photo credit : Pexels |
انسٹا گرام ءَ پرے زُوتاں یک انچیں آسراتی یے دیما آؤرتگ کہ چریشیءَ چہ ڈیلیٹ بوتگیں پوسٹ ء ُ ویڈیوہاناں دوبرآرگ بیت۔
انسٹا گرام ءِ اے نوکیں فیچر گوستگیں ہپتگءَ تیوگیں دنیاءَ پہ کارمرزکنوکاں پیش کنگ بوتگ۔کہ چریشیءَ چہ انسٹاگرام کارمرزکنوک وتی ڈیلیٹ کرتگیں پوسٹاں دوبر آرت کن اَنت۔
اے نوکیں فیچر ءِ بابتءَ انسٹاگرام ءِ گشگ اِنت کہ باز وہدءَ ” ہیکر“ مردمانی اکاؤنٹاں ہیک کن اَ نتء ُ آہانی پوسٹاں ڈیلیٹ کن اَنتء ُ ایپ ءِ تہا اے پوسٹانی دوبرآرگ ءِ ہچ چوشیں آپشن نہ بوتگ۔
ایشیءَ ام بوان اِت:
انسٹاگرام ءَ وتی اے نوکیں فیچر ءِ نام ”ریسینٹلی ڈیلیٹڈ“ ایر کرتگ۔کہ ایشیءَ چہ انسٹاگرام کارمرز کنوکیں دنیا ءِ کلیں مردم وتی ڈیلیٹ بوتگیں عکس، ویڈیو، آئی جی ٹی وی ویڈیو،ء ُایندگہ چیزاں دوبر رت کن اَنت۔
اے فیچرءِ کار گرگءِ واستہ المی اِنت کہ انسٹا گرام کارمرزکنوک پیسرءَ وتی ایپ ءَ اَپ ڈیٹ بکن اَنت۔ ء ُ ایشی ءَ چہ رندایپ ءِ سیٹنگ ءِ تہا روگی اِنت ء ُ اکاؤنٹ ءِ آپشن پچ کنگی اِنت۔
اکاؤنٹ آپشن ءِ تہا روگ ءَ پد ”ریسینٹلی ڈیلیٹڈ“ءِ آپشن گندگءَ کئیت کہ آئی ءَ را کلک کنگی اِنت۔ کلک کنگءَ چہ رند ڈیلیٹ بوتگیں تیوگیں پوسٹ، عکس، ویڈیو، آئی جی ٹی وی ویڈیو درست گندگءَ کاینت۔
یاد بہ بیت کہ انسٹاگرامء ُ واٹس ایپ ہر دوئینانی مالک فیس بک اِنت۔
0 Response to "انسٹا گرام ءِ تہا ڈیلیٹ بوتگیں پوسٹانی دوبرآرگءِ فیچر اَتک"
Post a Comment