شیاؤمی ءِ ریموٹ وائر لیس چارجر زوت پیداکیں
 |
| Photo credit : Xiaomi |
ایکس ڈی اے ءَ وتی یک رپورٹے ءِ تہا گشتگ کہ ”شیاؤمی“ ءِ نیمگءَ چہ یک ریموٹ وائرلیس چارجنگ ٹیکنالوجی یے ءِ سرا کاربوہگ ءَ اِنت کہ زوت مہلوکءَ سر بیت۔
اے ریموٹ وائرلیس چارجنگ ٹیکنالوجیءَ را ”می ایئر چارج ٹیکنالوجی“ ءِ نام دئیگ بوتگ کہ باز دُورءَ چہ ام ڈیوائساں وائرلیس چارج کنت۔
شیاؤمی ءِ نیمگءَ چہ انگتءَ ایشیءِ دزکپگ ءِ رمس یا ہارڈویئرءِ بابتءَ ہچ گشگ نہ بوتگ۔
کمپنی ءِ گشگ اِنت کہ ”می ایئر چارج ٹیکنالوجی“یک 5واٹ چارجنگ سسٹم ے کہ آئی ءِ بیس اسٹیشن ءِ واستہ 144انٹیناکارمرز کنگ بوتگاں۔
اے انٹینا ملی میٹر وائیڈویوزفون ءِ نیمگءَ دیم دئے اَنت۔
کمپنی ءِ گشگ اِنت کہ اے ٹیکنالوجی سائنس فکشن ے نہ اِنت بلکیں ایشیءَ چہ بازیں ڈیوائساناں چوش کہ اسمارٹ فون، گھڑیالء ُ بتی ءَ چہ چارج بوؤکیں ایندگہ کسانیں ڈیوائس یکیں وہدءَ چارج کنگ بیت۔
ایشیءَ چہ پیش ام 2020ءِ گڈی سہ ماہانی تہا شیاؤمی ءَ 80واٹ ءِ دنیا ءِ تیز تریں وائرلیس چارجنگ ٹیکنالوجی ام پیش کرتگ۔کہ 4000ایم اے ایچ بیٹری ءَ بس 19منٹءِ تہا 100درسدءَ چارج کرت کنت۔
شیاؤمی ءِ گشگ اِنت کہ اے وائرلیس چارجر ایندگہ کلیں وائرلیس چارجرسسٹماں چہ جوان تر اِنتء ُ ہچ وائر لیس چارجر ایشیءِ مٹ ء ُ در ور بوت نہ کن اَنت۔بلے انگتءَ اے چار جر پہ بہا نہادی ءَ آرگ نبوتگ۔
0 Response to " شیاؤمی ءِ ریموٹ وائر لیس چارجر زوت پیداکیں"
Post a Comment