ویڈیو پروفیشنلانی واستہ سونی ءَ وتی اسمارٹ فون پہ بہا پیش کرت

Photo credit : Sony 

سونی کمپنی ءَ ”ایکسپیریا پرو“نامیں یک انچیں گراں بہائیں فلیگ شپ اسمارٹ فونے نہادی ءَ پیش کرتگ کہ اے ھاس پہ ویڈیو پروفیشنلانی واستہ جوڑ کنگ بوتگ۔

اے فون انچیں مردمانی واستہ اِنت کہ ایم ایم ویو 5جی کنکشن ءَ را اسٹریم ایونٹ ءِ واستہ کارمرز کنگ لوٹ اَنت۔

ایکسپیریا پرو ءِ تہا 4وے بیم فارمنگ انٹیناجوان تریں نیٹ ورک پرفارمنس ءِ واستہ دئیگ بوتگ۔وہدے کہ  ایشیءِ تہا یک نیٹ ورک اسٹرنگتھ ویژولائزرے ام است کہ کارمرز کنوکاناں ھال دنت کہ مھکم تریں سگنل کجا اَنت۔

اے فون ءِ بابتءَ کمپنی ءَ 2020ءِ بنداتءَ ھال داتگ اَت۔بلے نوں اے فون پہ بہا نہادی ءَ پیش کرتگ۔

اے فون ءِ تہا 6.5ءِ 4kایچ ڈی آر او ایل ای ڈی ڈسپلےء ُ  اسنیپ ڈراگون ءِ865پراسیسر دئیگ بوتگ۔

فون ءِ پُشتءَ 3کیمرا اَنت کہ سئیں 12،12 میگا پکسل ئیگ اَنت۔

کمپنیءِ گشگ اِنت کہ ایشیءِ تہا یک سیکنڈے ءِ 20فریم ءِ آٹو فوکس کمک ء ُ آٹو ٹریکنگ برسٹ نامی فیچرے  دئیگ بوتگ کہ دنیا ءَ اولی رندءَ یک اسمارٹ فونے ءِ بہر جوڑ کنگ بوتگ کہ ایکشن شاٹاں جوان تر جوڑ کنت۔

کمپنی ءِ گشگ اِنت کہ آٹو فوکس ءِ سببءَ سُرء ُ پُر کنوکیں مردماناں ٹریک کنگ ءَ ام کمک کنت۔ء ُہر حرکت ءَ کیمرا ءِ تہا قید کنت۔

فائیوجی ءِ تیزیءِ سببءَ اے عکس ء ُ ویڈیوہاناں تیزی ءِ گونءَ نیٹ ورکءَ شنگ ام کنگ بیت۔

اے فون ءِ تہا ”رئیل ٹائم آئی آٹو فوکس“ءِ نام ءَ یک  فیچرے ام است کہ انسان ءَ ہوار دلوتانی سراام کار مرز کنگ بیت۔

فون ءِ تہا سونی ءِ مرر لیس الفاڈیجیٹل کیمراہانی فوٹو پرو انٹرفیس ام دئیگ بوتگ۔

اے فون انوں امریکاءِ تہا 2500ڈالرءَ پہ بہا ایر کنگ بوتگ۔