گوگل ءِ نیمگءَ چہ دل ءِ دریکگ ءِچارء ُ تپاسی ءِ آسراتی دئیگ ءِ جار
 |
| Photo credit : Pexels |
ٹیکنالوجی ءِ مستریں کمپنی گوگل ءَ جار پرینتگ کہ آ زوت یک انچیں فیچرے وتی موبائل فون ”گوگل پکسل“ ءِواستہ ”گوگل فٹ ایپ“ءِ تہا آرگء؟اِنت کہ چریشیءَ چہ دل ءِ دریکگ ء ُ ساہ ءِ رفتار ءِ چار ء ُ تپاس کنگ بیت۔
گوگل ءِ گشگ اِنت کہ ساہ ءِ رفتارءِ چار ء ُ تپاس کنگ ءِ واستہ آپٹیکل فلو نامیں اسمارٹ فون کیمرا ء ُ کمپیوٹروژن ءِ تکنیک کارمرز کنگ بوتگ۔
وہدے کہ دلءِ دریکگ ءِ چار ء ُ تپاسی ءِ واستہ اسمارٹ فون کیمراکارمرزکنوک ءِ دستانی لنککانی سرا بوؤکیں بدلیانی درگیجگ ءِ ہما وہدءَ کار کنت وہدے تئی دل ءَ چہ تاجگیں آکسیجینیٹڈہون جان ءِ بندبندءَ روگ ءَ بیت۔
اے نوکیں ٹیکنالوجی ءَ چہ گوگل ءِ ایپ ”گوگل فٹ“شمئے اسمارٹ فون ءِ کیمرا ءَ کار مرز کنت ء ُ دل ءِ دریکگ ء ُ ساہ ءِ روء ُ آہگ ءَ چار ء ُ تپاسیت۔
گوگل فٹ ہیلتھ ٹیکنالوجیز ءِ ڈائریکٹر شیوتک پٹیل ءِ گشگ اِنت کہ اے فیچراول سرا ”پکسل فون“ ءِ واستہ گوگل فٹ ایپ ءِ تہا دئیگ بیت۔
آئی ءِ گشگ اِنت کہ اے اینڈرائیڈ ڈیوائسانی تہاکارمرز کنگ ءِ واستہ فیچر ءِ سرا کار بوہگءَ اِنت۔
شیوتک پٹیل ءِ گشگ اِنت کہ ساہ ءِ رفتار ءِ چار ء ُ تپاسی ءِ واستہ وتی سر ء ُ بالاد ءِ بُرزی بہرءَ را اسمارٹ فون ءِ دیمءِ کیمراءِ دیما آرگ ء ُ ساہ زورگ لوٹیٹ۔
وہدے کہ دل ءِ دریکگ ءِ چار ء ُ تپاسی ءِ واستہ وتی یک لنککے پُشتءِ کیمرا ءِ لینس ءِ سرا ایر کنگ لوٹیت۔
0 Response to " گوگل ءِ نیمگءَ چہ دل ءِ دریکگ ءِچارء ُ تپاسی ءِ آسراتی دئیگ ءِ جار"
Post a Comment