شیاؤمی ءِ فلیگ شپ فون ”می 11“پہ بہا پیش کنگ بوت

Photo credit : Xiaomi

شیاؤمی ءَ وتی فلیگ شپ فون ”می 11“ پہ بہا دنیا ءِ نہادی ءَ پیش کرتگ۔

شیاؤمی ءَ وتی اے فلیگ شپ فون اولی سراسال2020ءِ گڈ سرا چین ءَ پہ بہا پیش کرتگ بلے نوں چین ءَ چہ ڈن کلیں دنیا ءِ نہادی ءَ پیش کرتگ۔

اے فون ءِ تہا کوالکوم ءِ نوکیں اسنیپ ڈراگون 888پراسیسردئیگ بوتگ۔

فون ءِ تہا 6.81انچ ءِ امولیڈ ڈسپلے،کیو ایچ ڈی پلس ریزولوشن ء ُ 120ہرٹزریفریش ریٹ ءِ گون ءَ دئیگ بوتگ۔

اے فون ءِ تہا 8جی بی ریم ء ُ 128ءَبگر داں 256جی بی اسٹوریج دئیگ بوتگ۔وہدے کہ فنگرپرنٹ اسکینرءِ تہا دل ءِ دریکگ ءِ چار ء ُ تپاس کنگ ءِ سنسرام دئیگ بوتگ۔

فنگر پرنٹ اسکینراسکرین ءِ تہا دئیگ بوتگ۔ وہدے کہ اسکرین ءِ پہریز کاری ءِ واستہ گوریلاگلاس وکٹسکارمرزکنگ بوتگ۔

اے فون ءِ تہا کمپنی ءَ 4600ایم اے ایچ بیٹری 55واٹ وائرڈ،50واٹ وائرلیس چارجنگ ءِ کمکداتگ۔وہدے کہ ریورس چارجنگءِ واستہ ام 10واٹ دئیگ بوتگ۔

فون ءِ تہا دگہ ام بازیں فیچر دئیگ بوتگ چوش کہ اسٹیریواسپیکر،جوان تریں نائٹ موڈ،ڈوئل 5جی کنکٹویٹی،وائی فائی6ای کمک،بلیوٹوتھ5.2ء ُ نیوی گیشن سروس ہوار اَنت۔

اے فون ءِ مستریں کیمرہ 108میگا پکسل ئیگ اِنت کہ ”می 10“سیریز ءِ کیمرہ ءِ وڑا اِنت۔

ایشیءَ ہوار 13میگا پکسل ءِ الٹراوائیڈکیمرا123ڈگری فیلڈ آف ویوءِ گون ءَ دئیگ بوتگ وہدے کہ سئیمی کیمرا5میگاپکسل مائیکرو لینس اِنت۔

فون ءِ دیما 20میگا پکسل کیمرا پنچ ہول ڈیزائن ءِ تہا ڈسپلے ءِ بُرزءَ چپیں نیمگءَ اِنت۔ 

اے فون زوت پاکستان ءِ نہادی ءَ کئیت۔

ا ے فون ءِ 128جی بی اسٹوریج والا ورژن ءِ پاکستانی نہاد یک لک ء ُ چل ء ُ پنچ ہزار بیت۔وہدے کہ 256اسٹوریج والا ورژن ءِ نہادیک لک ء ُ پنجا ء ُ چار ہزار بیت۔ 

چوناہا اے فونانی 128جی بی اسٹوریج والا ورژن ءِ  اسل نہاد749یورو انت ء ُ  256اسٹوریج والا ورژن ءِ نہاد799یورو اِنت۔