ٹوئٹرءَ ”وائس ٹویٹ“ ءِ فیچر بندات کرتگ

Photo Credit : Tech Balochi Team

چاگردی رابطہ کاری ءِ ویب سائٹ ”ٹوئٹر“ءَ وائس ٹویٹ ءِ فیچر بزاں کہ ”آڈیو کلوہ“ ءِ آسراتی پیش کرتگ۔کہ چریشیءَ چ  ٹوئٹر کارمر کنوک وتی کسانیں آڈیو کلپاں ریکارڈ کرت کننت ء ُ شنگ کرت کناں۔

ٹوئٹرءَ وتی اے نوکیں فیچرءِ نام ”ٹوئٹنگ ود یور وائس“ ایر کرتگ۔ 

ٹوئٹرءِ پروڈکٹ ڈیزائنرمایاپیٹرسنءَ وتی یک بلاگ پوسٹے ءِ تہا گشتگ کہ ”وتی گپ ءِ توام کنگ ءِ  واستہ بازبرا280حرف کم بنت، ء ُ باز یں ربیدگی قول رجانکانی صورتءَ چیر تراَنت۔ پمشکہ ما”وائس ٹیوٹ“ آسراتی ءِ  بنداتی کار بنگیج کرتگ تاکیں ٹوئٹر انسانی توارءَ چہ انسانی دروشم گپت بکنت۔“

 وائس ٹوئٹس ٹائم لائن ءِ تہا ویڈیو ءِ رنگءَ گندگ بیت۔ ء ُ  ویڈیوءِ وڑا چالو ہم بیت۔ بلے ایشیءِ تہا ٹوئٹر کارمرز کنوک ءِ پروفائل ءِ عکس گندگءَ کئیت کہ سُر ء ُ پُرکنت۔

اے فیچرءِ کارمرز کنگ ءِ واستہ ٹویٹ کمپوزر پچ کنگی اِنت ء ُ نوکیں ”ویو لینتھ آئیکون“ ءِ سرا کلک کنگی اِنت ء ُ پداوتی توارءَ ریکارڈ کرت کن اِت۔ 

کمپنی ءِ گشگ اِنت کہ ہمک وائس ٹویٹ ءِ تہا 140سیکنڈءِ آڈیوریکارڈکرت کن اِت۔

کمپنی ءِ گشگ اِنت کہ اے آسراتی انوں ”آئی اوایس“ کارمرکنوکیں چندے مردماں دزکپیت۔

بلے آؤکیں ہپتگءَ اے آسراتی کلیں ”آئی اوایس“ کارمرکنوکاں دئیگ بیت۔وہدے کہ ہر کس اے آڈیواں کلوہاں وتی ٹوئٹر ٹائم لائن ءِ تہا دیست کنت۔

اے آسراتی  ”اینڈرائیڈ“ کارمرزکنوکاں کدی دز کپیت اے بابتءَ انگتءَ کمپنیءَ ہچ نہ گشتگ۔