گوگل ءَ یک نوکیں فوٹو ایپ ے لانچ کرتگ

Photo Credit : Keen App

دنیا ءِ تہا ٹیکنالوجی ءِ نامدار ء ُ سوب مند تریں کمپنی”گوگل“ ءَ وتی یک نوکیں فوٹو ایپ ے لانچ کرتگ کہ ایشیءِ نام ”کین“ (KEEN)اِنت۔ 

گوگل ءِ اے نوکیں ایپ نامداریں فوٹو ایپ ”پنٹریسٹ“ وڑا اِنت۔کہ ایشیءِ کارمرزکنوک ”پنٹریسٹ“ءِ وڑا وتی عکساں ایندگہ ویب سائٹاں چہ وتی سنگت ء ُ عازیزاں گوں شنگ کرت کن اَنت۔

گوگل ءِ اے نوکیں ایپ ”اینڈرائیڈ“ ءِ تہا دست کپیت ء ُ ایشیءِ ویب ورژن ہم است اِنت۔

گوگل ءِ اے نوکیں ایپ”کین“ ءِ کارمرزکنوک وتی دل پسندیں چیزاں،ورگ جوڑ کنگ،سینگار،زہگانی بابتءَ مامعلومداری،ء ُ ایندگہ چیزاں  ایشیءِ تہا شنگ کرت کن اَنت۔   

اے نوکیں ایپ”کین“ ءِ کارمرزکنوک وتی دل پسندیں سرحالانی سرا نبشتانک،ویڈیوء ُ بلاگ ہم شنگ کرت کن اَنتء۔ ء ُ پدا آہاں پہریز ت ہم کن اَنت۔

گوگل ءِ اے ایپ ءَ ماں ”اینڈرائید“ ءَ کارمرز کنگ ءِ واستہ اے لنک ءَ کلک بکن اِت۔

وہدے کہ ڈیسک ٹاپ یا ویب ءَ ”کین“ ءِ کارمرزکنگ ءِ واستہ اے لنکءَ کلک بکن اِت۔

اے نوکیں ایپ ءِ شریداریں مالک سی جے ایڈمز ءِ گشگ اِنت کہ کین ءِ تہاشما را وتی دلپسندیں نکاناناں ایندگہ مردماں گوں بہر ء ُ بانٹ کنگ ءِ، ء ُ نوکیں نکاناناں شوہازگ ءَ موہ دنت۔