ایپل ءِ نوکیں گھڑیال ءِ تہا داں 20سیکنڈدست ءِ شود گ ءِ فیچرہوار کنگ بوت

Photo Credit: Apple

ایپل ءَ وتی نوکیں اسمارٹ گھڑیال ءِ تہا داں 20سیکنڈدست ءِ شود گ ءِ فیچرہوار کرتگ۔

کرونا وائرس ءَ چہ پہریزگ ءِ واستہ میان استمانی جاندراہی ءِ گل”ڈبلیو ایچ او“ءَ داں 20سیکنڈءَ دست ءِ شودگ ءِ صلاح داتگ۔ایپلءَ ہمے صلاح ءِ پدءَ  وتی نوکیں اسمارٹ گھڑیال ءِ تہا داں 20سیکنڈدست ءِ شودگ ءِ فیچر آؤرتگ تاکیں کورونا وائرس ءِ سببءَ دستءِ شودگ ءِ کار جوانی کنگ بہ بیت۔

ٹیکنالوجی ءِ مزنیں نام ایپل کمپنی ءَ گوستگیں روچاں ”ورلڈ وائیڈ ڈویلپرزکانفرنس“ءِ تہا اسمارٹ گھڑیال ءِ نوکیں آپریٹنگ سسٹم ”او ایس7“  پیش کرتگ کہ ایشیءِ تہا پیسرءَ چہ جوان تریں فیچر ہوار کنگ بوتگ۔

ٹیکنالوجی ویب سائٹ ”میشن ایبل“ءِ یک رپورٹےءِ ردءَ ایپل گھڑیالءِ ”اوایس 7“ تہا کورونا وبا ءِسببءَ دستءِ شود گ ءِ یک آٹو میٹک  آسراتی یے ہوار کنگ بوتگ کہ داں 20سیکنڈ دستءِ شودگ ءَ کمک کنت۔

اے آسراتی ءِ ردءَ وہدے ایپل کارمرز کاروتی دستانی شودگءَ بنا کنت، تہ گھڑیال ءِ 20سیکنڈ والا فیچر کار کنگءَ بندات کنت ء ُ 20سیکنڈءِ توام بوہگءَ رند، اے تراحال دنت کہ تئی دست شودگ ءِ ساہت ھلاس بوتگ۔ 

اے آسراتی ءِ بابتءَ ایپل کمپنی ءِ گشگ اِنت کہ ایشیءِ کمکءَ چہ مردماناں بار بار وتی دستانی شودگ ءِ ھیال گور بیت۔ء ُ چریشیءَ چہ آہانی  جاندراہی  پہریزگ بیت۔

اے فیچرایپل ءِ ”ہیلتھ ایپ“ءِ تہا دست ءِ شودگ ءِ ریکارڈءَ ہم برجم داریت۔کہ افریکوئنسی ء ُ فاصلہ گندگ بیت۔

ایپل ءِ ”او ایس 7“ءِ تہا ”20سیکنڈ دست شودگ“ءِ فیچرءَ  چہ ابید ہم واب ءِ وہد ءِ ریکارڈ کنگ ء ُ ناچ ءِ فیچر ہم ہوار کنگ بوتگاں۔