ٹوئٹرءِ آڈیو چیٹ روم فیچر پہ لس مہلوک ءَ پیش کنگ بوت
 |
| Photo credit : Twitter |
چاگردی رسانکدر ”ٹوئٹر“ءَ وتی آڈیو چیٹ روم فیچرپہ لس مہلوکءَ پیش کرتگ۔
ٹوئٹر ءِ اے آڈیو فیچر ءِ نام ”ٹوئٹر اسپیسز“ ایر کنگ بوتگ۔ بلے اے فیچرءَ انوں ہما مردم کارمرز کرت کناں کہ آہانی فالورز انی کساس 600یا چرائی ءَ چہ گیش اَنت۔
”کلب ہاؤس“ سوشل میڈیا ایپ ءِ وڑا ٹوئٹر ءِ اے فیچرءَ چہ مردم آڈیو چیٹ رومز ام جوڑ کرت کناں۔
اے فیچر ءِ آزمائش 2020ءَ بندات کنگ بوتگ۔
”ٹوئٹر اسپیسز“ ءِ تہامردم وتی ام آڈیو روم جوڑ کرت کناں ء ُ ایندگہ مردمانی جوڑ کرتگیں رومانی تہا ام شت کناں۔
روم جوڑ کنوک، روم ءِ تہا آؤکیں مردماں میوٹ یاآہاناں کش اِت ام کناں۔
ورچوئل رومانی تہا اسپیکر اسپیسءِ تہا ٹوئیٹاں ام پِن کرت کناں ء ُ کیپشنز ٹرن آن کرت کناں۔
کمپنی ءِ گشگ اِنت کہ اے فیچر پہ ٹوئٹر ءِ ہمک کارمرزکنوکاں سرکنگ ءَ وہد لگیت بلے 600فالورز والا اے فیچر ءَ کار مرز کرت کناں۔
ٹوئٹر ءِ نیمگءَ چہ ”ٹکٹڈ اسپیسز“ فیچر ءِ سرا ام کار بوہگءَ اِنت۔کہ چرائی ءَ چہ مردم گیشتر جوانیں ایونٹسانی مہمانداری ءَ کرت کناں۔
کمپنی ءِ گشگ اِنت کہ اے ایونٹسانی مہماندار اے فیصلہ ءَ ام کرت کناں کہ یک ٹکٹے ءِ نہاد چے بہ بیت ء ُ چینکہ ٹکٹ ایر کنگ بہ بیت۔
ٹوئٹر ءِ گشگ اِنت کہ اے ٹکٹاں چہ رستگیں زرّانی گیشتریں بہر کارمرکنوکاناں رسیت ء ُ کسانیں بہرے کمپنی ءَ را رسیت۔
0 Response to "ٹوئٹرءِ آڈیو چیٹ روم فیچر پہ لس مہلوک ءَ پیش کنگ بوت"
Post a Comment