ٹوئٹر ءِ تہا ٹویٹاں چہ نوں زرّ ام رست کنت

 

photo credit : Twitter

ٹوئٹر ءِ تہا نوں ٹویٹ ءَ چہ  زر کمائینگ ءِ آسراتی دئیگ بوتگ۔

ٹوئٹرءِ نیمگءَ چہ یک نوکیں فیچرے دیما آرگ بوتگ کہ چریشیءَ چہ ٹوئٹر کارمرز کنوکءَ را  ”اکاؤنٹ بائیو“ ءِ تہا بازیں ڈیجیٹل پیمنٹ اکاؤنٹانی آسراتی دئیگ بوتگ۔

چریشیءَ چہ ٹوئٹرکارمرز کنوک وتی دل پسندیں ٹویٹ کنوکاناں زر دات کن اَنت۔

اے فیچرءَ چہ مردمانی  مالی کمک ام  کنگ بیت۔

ء ُ  انچیں ٹویٹ کہ چریشیءَ چہ مردماناں کمک رسیت،تو آئی ءَ را وتی دل ءِ تب ءَ زر دات کن ئے۔  

ٹوئٹر ءِ نیمگءَ یک ٹویٹے ءَ چہ اے فیچر ءِ جار جنئگ بوتگ۔ء ُ  یک انیمیٹڈ عکسے ءِ صورتءَ ایشیءِ کارمرز کنگ ام سوج داتگ۔

 

 تنی ءَ اے فیچر کلیں ٹوئٹر کارمرز کنوکاں دئیگ نہ بوتگ بس چندے مردمانی واستہ پیش کنگ بوتگ۔

اے یک باز جوانیں فیچرے۔ چریشیءَ چہ انگریزی ءِ تہا ٹویٹرکارمرز کنوکیں ہمک مردم وتی دوستیں ٹوئٹر اکاؤنٹ ءِ مالک ءَ را ٹپس بزاں کہ زر دیم دات کنت۔

 چریشیءَ چہ آئی ءِ کمک ام بیت ء ُ  آ وتی جوان ء ُ سرپدیں،علم ء ُ  ہنر  ءِ سکینی گپاں گیش ءَ چہ گیش مردمانی دیما کاریت۔

 ٹوئٹر کارمرز کنوکاں اے فیچر ءِ دز کپگ ءِ جار یک پروموٹ ے ءِ صورتءَ دئیگ بیت۔ 

ء ُ وہدے ٹوئٹر کارمرز کنوک ہمے فیچرءَ ایکٹیو کنت گڈا آ وتی اکاؤنٹ ءَ بازیں آن لائن ڈیجیٹل پیمنٹ پلیٹ فارم چوش کہ کیش ایپ، پے پال، وینیموء ُ ایندگراں گوں لنک کرت کنت۔

ٹوئٹر ءِ گشگ اِنت کہ آ مردمانی نیمگءَ چہ دیم داتگیں زرّانی تہا ہچ وڑیں کمی نہ کنت، درستاں ہما اکاؤنٹ ہولڈرءَ دنت۔

چونا ہا انوں ٹوئٹر ءِ تہا مزن مزنیں کمپنیاناں آہانی ویڈیو نکاناناں چہ زر رسگ ءِ آسراتی است اِنت بلے اے اولی رند اِنت کہ لس مہلوک ءَ را ام وتی ٹویٹ ء ُ ایندگہ نکانانی سرا زر رست کنت۔

show your love, leave a tip

now testing Tip Jar, a new way to give and receive money on Twitter 💸

more coming soon... pic.twitter.com/7vyCzlRIFc

— Twitter (@Twitter) May 6, 2021