زہگاناں زبان دربرگءِ واستہ گوگلءِ ایپ نوں پاکستان ءَ ام کارمرز بیت

گوگل ءَ زہگاناں زبان ءِ در برگ ءِ ھاترءَ  ”اینڈرائیڈ“ ءِ واستہ ”ریڈالونگ“ ءِ نام ءَ یک نوکیں ایپ ے جوڑ کرتگ۔کہ پنچ سال یا پنچ سالءَ چہ مستریں زہگاناں وانگ ءِ واستہ کمک کنت۔

اے ایپ بلوچستان وپاکستان ءَ ”بولو“ ءِ نام ءَ ”پلے اسٹور“ ءَ چہ ڈاؤن لوڈ کنگ بیت کہ اردو ء ُ انگریزی ءِ تہا ہبر کنگءَ زہگاناں کمک کنت۔ 

اے ایپ ءِ تہا عکسی کسہ ماں توار ءِ صورتءَ زہگاناں گوشدارینگ بنت تاکیں آہانی دلبڈی بہ بیت ء ُ پدا آ ہما ہبراناں وتی توارءَ گیگان بکن اَنت۔

اے ایپ ءِ تہا گپ جنوک ءِ  نام ”دیا“ ایر کنگ بوتگ۔کہ آئی ءِ واستہ گوگل ءِ”ٹیکسٹ ٹو اسپیچء ُ اسپیچ ریکونیشن ٹیکنالوجی“ءَ را کارمرز کنگ بوتگ۔کہ آ وت فیصلہ کنت کہ زہگ ءَ را وانگءَ چینکہ مشکل است۔ 

پورا ئیں سیشن ءِ تہا ”دیا“ وتی لیکہاں زہگ ءَ راگوشیت کہ آ چے جیڑگءَ اِنت۔ ء ُ پدا زہگ ”دیا“ ءَ را کجام ہم وھدءَ پہ جست کنگ ء ُ کمک ءِ واستہ کلک کرت کنت تاکیں آدوبر لبزانی تلفظ ء ُ جملہ ءَ گوش بداریت۔

اے ایپ ءِ تہا دنیا ءِ کسہء ُ گیم  ام است اَنت۔ ایپءِ تہا زہگانی مات ء ُ پت یا آہانی مسترین وتی زہگانی گستائیں پروفائل جوڑ کرت کناں تاکیں آ وتی زہگ ءِ تہا آؤکیں فرقءَ چارت کرت بکناں کہ آئی ءَ چینکہ دربرتگ۔

اے ایپ ءِ نہ ”سائن اِن“ کنگ ءِ ضرورت اِنت ء ُنہ کہ ایشی ءِ تہا اشتہارات است۔ بس اے ایپ گوگل ءِ ”پلے اسٹور“ ءَ چہ ڈاؤنلوڈ کنگ بیت  ء ُ کارمرز کنگ بیت۔ ء ُ جوانیں گپ ایش اِنت کہ اے ایپ آف لائن ام کار کنت۔

اے ایپ کلاں پیش گوستگیں سالءَ انڈیا ءَ لانچ کنگ بوتگ ء ُ نوں پاکستان ءَ ام مردم وتی زہگانی واستہ ایشیءَ کارمرز کرت کننت۔

اے ایپ ءِ تہااردو، ہندی،انگریزی ءَ ابید9زبانانی کمک ام دئیگ بوتگ۔

       

 ٭٭٭