فیس بک ءَ وتی ویب سائٹ ”ری ڈیزائن“ کرتگ
Sunday, 10 May 2020
Comment
 |
| Pexels فوٹوبشکریہ |
چاگردی رابطہ کاری ءِ نامی ئیں ویب سائٹ فیس بک ءَ وتی ویب سائٹ ”ری ڈیزائن“ کرتگ۔ ء ُ اے نوکیں ڈیزائن ءِ تہا ڈارک موڈ ءِ آسراتی ام دئیگ بوتگ۔
فیس بک ءِ اے نوکیں ڈیزائن گوستگیں سال ءَ ”سالانہ ایف 8ڈویلپرکانفرنس“ ءَ پیش کرتگ۔ء ُ اے ڈیزائن آزمائش ءِ واستہ ہمے سالءَ بازیں جاہاں کسانیں پیمانہ یے ءَ شروع کنگ بوتگ۔
بلے نوں اے نوکیں ڈیسک ٹاپ ورژن گوستگیں جمعہ ءِ روچءَ بزاں 8رمس ءَ تمامیں دنیا ءِ واستہ پیش کرتگ۔ء ُ اگاں بازیں جاہاں اے نوکیں ڈیزائن گندگ نہ بوہگءَ اِنت یا سر نہ اِنت تہ باز زوت سر بیت۔
اے نوکیں ڈیزائن موبائل ایپ ءِ وڑا گندگءَ کئیت۔ ء ُ کمپنی ءِ گشگ اِنت کہ نوں فیس بک ءِ فیچر بزاں ویڈوز،گیمزء ُ گروپ آہانی شوہاز کنگ ارزان بیت۔
فیس بک موبائل ایپ ءِ وڑا اے ڈیسک ٹاپ ورژن ام نوی تیزی ءِ گون ءَ اپلوڈ بیت۔ء ُ نوکیں ڈیزائن ءِ تہا ایونٹس، پیجز،گروپس ء ُ اشتہارات جوڑ کنگ ام ارزان کنگ بوتگ۔
ری ڈیزائن کرتگیں اے نوکیں فیس بک ءِ جوان تریں چیز ڈارک موڈ اِنت۔ ء ُ پوسٹ ء ُ فیچرانی مزنی ءَ ابید نوں ویب سائٹ گیشتر واناک تر اِنت،بزاں ہرچیز مزن مزن گندگ ءَ کئیتء ُ وانگ ءِ واستہ مشکل نیست۔
وکیں ڈیزائن ءِ تہا رؤگ ءِ واستہ المی اِنت کہ فیس بک ءِ ہوم پیج ءِ تہا راستیں نیمگءَ، بُرزءَ ڈاؤن ایروءِ سرا کلک بکن اِت۔
 |
| اسکرین شارٹ بشکریہ فیس بک |
پدا جہلءَ ”سوئچ ٹو نیو فیس بک“ ءِ آپشن گندگءَ کئیت۔
وھدے کی ایشیءِ سرا کلک کن اِت گڈا شما نوکیں ڈیزائن ءِ تہا پُتراِت۔
ڈارک موڈ ءِ واستہ ام ہمے ڈاؤن ایرو ءِ سرا کلک کنگی اِنت۔
وہدے کہ شمارا اے نوکیں ڈیزائن دوست نہ بوت یا شما پدا ہما کہنیں ڈیزائن ءَ آہگ لوٹ ئے گڈاپدا فیس بک ءِ ہوم پیج ءِ تہا راستیں نیمگءَ، بُرزءَ ڈاؤن ایروءِ سرا کلک بکن اِت۔ء ُہمے مینو ءِ تہاجہلءَ "سوئچ ٹو کلاسک فیس بک" ءِ آپشن است۔
ہمیشی ءَ کلک بکن اِت واتر وتی کہنیں فیس بک ءِ تہا کااِت۔
٭٭٭
0 Response to "فیس بک ءَ وتی ویب سائٹ ”ری ڈیزائن“ کرتگ"
Post a Comment