ٹو ئٹر ءِ ڈیسک ٹاپ ورژن بدل کنگ بوت
Monday, 29 July 2019
Comment
ٹوئٹر ءَ وتی ری ڈیزائن ڈیسک ٹاپ ورژن کلیں کارمرزکنوکانی واستہ شنگ کرتگ۔ء ُ نوں دوبرکہنیں ورژن ءِ کارمرزی ممکن نہ انت۔
اے ری ڈیزائن ورژن بازیں وہدے ءَ پہ کارمرز کنوکاں آزمائشی رنگ ءَ دئیگ بوتگ اَت بلے نوں دائمی بنادءَ جاری کنگ بوتگ۔
کمپنی ءَ جار پرینتگ کہ چیزے روچ ءِ تہا تمامیں کارمرزکنوکانی واستہ نوکیں ری ڈیزائن ورژن شنگ بیت ء ُ کہنیں ڈیزئنءِ کارمرزی ہچ صورتءَ بوت نہ کنت۔
اے ری ڈیزائن ءِ تہا درستاں چہ مستریں بدلی نیوی گیشن بارئیگ اِنت کہ چپیں نیمگءَ برگ بوتگ۔ کہ ایشیءِ تہا بک مارکس، لسٹس،پروفائل ء ُ یک نوکیں ایکسپلور ر ٹیب ے دئیگ بوتگ کہ ایشیءِ تہا شما ہمامردمانی یا تاکانی (پیجز)ٹوئیٹساں دیست کنئے کہ آہانی کدی شما فالو نہ کرتگ۔
کمپنی ءِ گشتانک ءِ ردءَ ایکسپلوررٹیب ءَ را موبائل ءَ چہ ڈیسک ٹاپ ورژن ءِ تہا آرگ بوتگ۔تاکیں کارمرز کنوک گیش ءَ چہ گیش لائیو ویڈیوزء ُ ہندی ٹرینڈزاں معلومدار بہ بنت۔
ڈائریکٹ میسجاناں ام گہتر کنگ بوتگ۔نوں یک ونڈو یے ءِ تہا گپ ء ُ دیم داتگیں کلوہاناں ام دیست کن ئے۔ایشیءَ ابید تھیم ء ُ کلر اسکیمزام دئیگ بوتگاں۔ وہدے کہ ڈارک موڈ ءِ واستہ دو گیشیں آپشنز ءِ دئیگ بوتگ۔
اے ری ڈیزائن ءِ واستہ ٹوئٹرءَ چیزے فیچرزموبائل ایپس ءَ چہ زرتگ۔چوش کہ ہوم بارءِ تہا داتگیں اسپارکل بٹن کہ بُرزءَ استال ءِ صورتءَ دئیگ بوتگ کہ آئی ءِ تہا ٹاپ ٹوئیٹسءِ بدءَ تاجگیں ٹوئیٹساں دیست کن ئے۔
نیوی گیشن بار ءِ تہا کارمرز کنوکانی واستہ جتائیں اکاؤنٹانی تہا روگ(سوئچ کنگ)ارزان کنگ بوتگ۔ء ُ نوں لاگ ان ء ُ لاگ آؤٹ بوہگ ءِ ضرورت نہ بیت۔اے فیچر ام موبائل ایپ ءِ تہا بازیں وہدے ءَ بوتگ۔ گڈ سرا موجودیں moreءِ سرا کلک بکن اِت ء ُ بُرزءَ پلس ءِ نشان ءِ سرا کلک بیکن اِت۔
ہمے وڑاٹرینڈنگ ٹاپکس آناں چپیں نیمگءَ چہ راستیں نیمگءَ برگ بوتگ کہ فالو سجیشن ءِ چیرءَ چیرتراِتگ اَنت۔ہمے وڑا پرو فائل فوٹو، ٹوئٹس ء ُ فالورزءِ تعداد ءِ سیکشن ام ہلاس کنگ بوتگاں۔
کمپنی ءِ نیمگءَ چہ ٹوئٹر ءِ ری ڈیزائن ویب ورژن ءِ آزمائش گوستگیں سال ءِ ستمبرءِ ماہءَ چہ کنگ بوہگءَ ات بلے نوں ایشیءَ را کلیں کارمرزکنوکانی واستہ شنگ کنگ بوتگ۔
0 Response to "ٹو ئٹر ءِ ڈیسک ٹاپ ورژن بدل کنگ بوت"
Post a Comment