فیس بک ءِ موبائل میسنجرایپ ءِ تہااسکرین بہر کنگ ءِ آسراتی دئیگ بوت

فوٹو بشکریہ فیس بک

 فیس بک میسنجرءِ موبائل ایپ ءِ تہانوں ویڈیو چیٹ اسکرین ءِ بہر کنگ ءِ آسراتی دئیگ بوتگ۔

فیس بک ءِ نیمگءَ چہ یک حال ترانے ءَ گشگ بوتگ کہ آئی او ایس ء ُ  اینڈرائیڈموبائل ایپانی تہا میسنجرویڈیو کالءِ واستہ اسکرین ءِ بہر کنگ ءِ فیچر ءِ گیشی کنگ بوتگ۔

 نوں ایشیءِ واستی ویب یا ڈیسک ٹاپ ایپانی کار نہ بیت۔

میسنجرویڈیو کال ءِ میانءَ وہدے یک اسکرینے بہر کنگ بیت گڈا کارمرز کنوک ایندگہ کاراں چوش کہ وتی سنگت ءِ گونا کیمرا رول ءَ چہ اسکرول یا ہواریءَ سوشل میڈیا سر فنگ کرتگ کن اَنت۔   

 فیس بک ءَ اے امیت درشان کرتگ کہ اے یک جوانیں فیچر ے کہ کارمرکنوکاں وتی سنگت ء ُ  لوگ ءِ مردماں چہ ہمگرنچ کنگءَ کمک کنت۔ 

فیس بک کارمرز کنوک ویب یا ڈیسک ٹاک ءِ سرا میسنجر رومز ءِ تہا  16مردمانی گون ءَ ہم اسکرین بہر کرت کن اَنت۔کہ باز زوت اے کساس ودینگ ء ُ 50کنگ بیت، وہدے کارمرزکنوکءَ را اسکرین ءِ کنٹرول کنگ ءِ گیشیں آسراتی دئیگ بوہگءَ اِنت۔

 اسکرین بہر کنگ ءِ اے فیچر ورک پلس رومزءِ واستہ ہم دئیگ بیت۔

زانگ بہ بیت کہ فیس بک ءِ نیمگءَ چہ میسنجر رومز فیچر ہمے سال ءَ مئی ءِ ماہ ءَ پیش کنگ بوتگ کہ کلیں دنیاءِ فیس بک کارمرز کنوکانی دست رساں اِنت۔

میسنجر رومز ءِ تہا 50مردم یکیں وہدءِ ویڈیو چیت کرت کن اَنت۔ء ُ  اے ”زوم“ ایپ ءِ وڑیں ویڈیوچیٹ ٹول ے کہ کلیں دنیاءَ کورونا وبا ءِ سوبءَ پیش کنگ بوتگ۔

میسنجر روم ءِ تہا وڈیوچیٹ ءِ واستہ وہد ءِ یک ہچ حد ٹائینگ نبوتگ۔ء ُ مردم ہرڈیوائس ءَ چہ کہ آ فونے بہ بیت یا کمپیوٹرے ویڈیو چیٹ ءِ بہر جوڑ بوت کنتء ُ ایشیءِ واستہ فیس بک اکاؤنٹ ءِ بوہگ ہم المی نہ اِنت۔

فیس بک ءِ گشگ اِنت کہ میسنجر روم ءِ تہا رازداریءِ ھیال ء ُ ایشیءَ را پہریزگ ءِ کلیں کار کنگ بوتگاں۔

میسنجر روم جوڑ کنوک اے روم ءَ یا چیٹ ءَ را بند کرت کن اَنت۔تاکیں بے فائدگیں مردم ایشیءِ بہر جوڑ مہ بنت۔ہمے وڑا چیٹ ءِ تہا ہواریں مردماناں کش اِت یا آہاناں بلاک ہم کرت کن اِت۔ء ُ فیس بک ءِ رہبندانی پروشگ ءِ صورتءَ کارمرز کنوک ءِ رپورٹ ہم کنگ بیت۔

کمپنی ءِ گشگ اِنت کہ شما میسنجر روم ءَ فیس بک ءِ اکاؤنٹءَ چہ کارمرزکن اِت یا مہمان ءِ صورتءَ، ما شمئے ویڈیو یا آڈیو کال ءِ ہچ گپ ءَ نہ کہ گوش داشت کنیں ء ُ نا کہ چار اِت کنیں۔ 

فیس بک ءِ گشگ اِنت کہ میسنجر رومز ءِ تہا آؤکیں وہدءَ گیشیں فیچر ءِ آرگ بیت۔ء ُ امیت اِنت کہ چریشیءَ چہ کلیں دنیا ءِ مردماناں وتی دوستیں مردمانی گون ءَ آن لائن دچار کپگ ءِ موہ رسیت۔