گوگل فائلزءِ تہا ڈیٹا پہریزگ ءِ آسراتی دئیگ بوت

 

ٹیکنالوجی دنیا ءِ مزنیں کمپنی   ”گوگل“ءَ وتی فائلز شیئرنگ ایپ”گوگل فائلز“ءِ تہا ڈیٹا پہرزگ ءِ واستہ ”سیف فولڈر“ءِ نام ءَ ایک فیچر ے بزاں کہ آسراتی یے آؤرتگ۔کہ ایشیءِ تہا نوں ہرکس وتی ڈیٹا ہاں پہریز اِت کنت۔

گوگل ءِ گشگ اِنت کہ بنداتءَ ”سیف فولڈر“  فیچر 20لکھ مردماں پہ کارمرزیءَ دئیگ بیت۔ ء ُ پدا آؤکیں چندے ہفتگانی تہا اے فیچر ایندگہ مہلوکءَ را ہم دئیگ بیت۔   

”سیف فولڈر“  فیچر چار نمبرانی PIN کوڈءِ کمک ءَ چہ کارمرز کنگ بیت۔کہ چریشی ءَ چہ ایپ کارمرز کنوک ارزانی ءَ وتی ڈیٹاہاں،عکس، ویڈیو، آڈیوء ُ ایندگہ المی ڈاکومنٹساں پہریز اِت کن اَنت۔ء ُ  فیچرءِ کمکءَ چہ  ایندگہ مردم اے ڈیٹا ہاں چہ رست نہ کن اَنت۔

گوگل ءِ گشگ اِنت کہ اے  فیچر،ایپ کارمرز کنوکاناں وتی رابطہ سکرین شاٹ یااسکرین ءِ ریکارڈنگ ءَ ام نئیلیت۔ ء ُ وہدے کہ تو ایپءَ چہ در کپ ئے گڈا ایپ لاک بیت۔ء ُ دوبرءَ پچ کنگ ءِ صورتءَ یک برے پدا پن کوڈ  کارمرز کنگ کپیت۔

چوناہا ءَ گوگل کمپنیءَ ”گوگل فائلز“ ایپ ہما مردمانی واستہ جوڈ کرتگ کہ آہانی فون ءِ اسٹوریج کم اِنت۔یا ہما مردمانی واستہ کہ آہانی فوناں ایندگہ مردم ام کارمرز کن اَنت۔

زانگ بہ بیت کہ ”گوگل فائلز“ ایپ ءَ اے وہدءَ دنیا ءِ تہا15کروڑءَ چہ گیش مردم کارمرز کنگا اِنت۔