ٹوئٹرءَ دروگیں ٹویٹانی دارگ ءِ واستہ فیچرے آرت

Photo credit : Pexels

چاگردی رسانکدر”ٹوئٹر“ءَ ”برڈ واچ“ نامیں یک انچیں کمیونٹی فورمے جوڑ کرتگ کہ چاگردی رسانک درانی تہا دروگ ء ُ گمراہ کنوکیں نکانانی گرء ُ دارءَ کنت۔

اے  فورم ٹوئٹرءِ کارمرز کنوکاناں ٹویٹانی تہا ہواریں انچیں نکان چوش کہ نبشتہ، عکس، ویڈیوہانی پجارءَ کنائین ایت کہ دروگ اَنت۔ء ُ اے فورم ءِ تہا مردمانانی کمک ءِ واستہ آہاناں سرء ُ سوجی نبشتانک ام دئیگ بیت۔

 ٹوئٹرءَ وتی یک بلاگ پوسٹےءِ تہا اے نوکیں فورم ءِ جار جتگ ء ُ ایشیءِ مول ء ُ مراد دیما آؤرتگاں۔

ٹوئٹر ءِ پراڈکٹ سیکشن ءِ نائب صدر کیتھ کولمینءَ بلاگ ءِ تہا گشتگ کہ ”مئے اے راہبند ءَ چہدروگیں نکانانی شنگ کاریءَ را دارگ ءِ واستہ  زوت  کار کنگ ءِ موہ رسیت۔ وہدے کہ اے وڑیں نکانانی بابتءَ بھیسہ والا مردماں چہ سرپدی زورگء ُ پدا آہانی تہا گیشی کنگ بیت۔

ٹوئٹرءِ نیمگءَ  چہ دروگیں  ٹویٹانی سر ا یک لیبل ے جنئگ بیت یا اے وڑیں ٹویٹ ڈیلیت کنگ بنت بلے باز وہدءَ کمپنی ءِ نیمگءَ چہ دیر بوہگ ءِ سببءَ اے رنگیں دروگ ء ُگمراہ کنوکیں ٹویٹ وائرل بنت ء ُ شنگ  بنت۔

بلاگ ءِ تہا گیتھ کولمین ءِ گشگ اِنت کہ ما زانیں کہ اے رنگیں فورم ے ءِ جوڑکنگ ءَ مارابازیں جنجالانی دیمپانی   بیت۔

 آئی ءِ گشگ اِنت کہ ٹوئٹر ءِ نیمگءَ چہ باز شنگ بوؤکیں دروگیں ء ُ شک داریں ٹویٹانی تہا ”نوٹس“ءَ را گیش ءَ چہ گیش زاہر  کنگ بیت تاکیں  مردمانی چم اِش بکن اَنت۔بلے انوں اے تہنا ”برڈواچ  پیج“ ءِ تہا گندگ ءَ کاینت۔

برڈ واچ انوں ٹوئٹر ءِ سرا ایکٹیو اِنت۔ء ُ کمپنی ءِ گشگ اِنت کہ آ پبلک ٹرانسفرنسی جوڑکنگ ءِ کارءَ جاری داریت۔