واٹس ایپ ءِ ویب ورژنءِ تہا وائسء ُویڈیو کالءِ فیچر زوت پیداکیں
واٹس ایپ ءِ ویب ء ُ ڈیسک ٹاپ ورژن ءِ تہا وائس ء ُ ویڈیوکا ل ءِ آزمائش بوہگءَ اِنت،باز زوت اے آسراتی بیٹا ورژن ءِ تہا کلیں کارمرزکنوکاں دست کپیت۔
ویب سائٹWABetaInfo ءِ گشگ اِنت کہ واٹس ایپ ءِ بیٹا ورژن ءِ تہا انوں پہ ویب ورژن ءَ کال ءِ آسراتی بازیں کارمرز کنوکاں دئیگ بوتگ۔
ویب بیٹا انفوءِ گشگ اِنت کہ واٹس ایپ ءِ نیمگءَ چہ اے فیچر ءِ سرا کار بوہگءَ اِنت۔ ء ُ پمشکہ انگتءَ اے کلیں مردمانی دزرسءَ نہ اِنت۔بلے باز زوت اے فیچر کلیں مردماں دست کپیت۔
اے فیچرہما کارمرزکنوکاں پہ مزنیں کمکے بیت کہ واٹس ایپ ءِ ویب ورژن ءَ گیشتر کارمرز کن اَنت۔
واٹس ءِ پرائیویسی پالیسی ءِ تہا بدلی آرگءَ پد مہلوک ءِ ستک چہ واٹس ایپ ءَ ہلاس بوتگ ء ُ بازینے ءَ اے ایپ ءِ کارمرز کنگ یلہ داتگ ء ُ سگنل ء ُ ٹیلی گرام زرتگاں کہ چریشیءَ چہ واٹس ایپ ءِ سرا سک باز اسر کپتگ۔
نوں کمپنی ءِ ویب ورژن ءِ تہا وائس ء ُ کال فیچرءِ آرگءِ وشیں حالانی پشتہ اے گپ پدر اِنت کہ مہلوک دوبر آئی ءِ سراباور بکنت۔
0 Response to "واٹس ایپ ءِ ویب ورژنءِ تہا وائسء ُویڈیو کالءِ فیچر زوت پیداکیں"
Post a Comment