گوگل ءَ وتی کروم براؤزرءِ تہا ”پاس ورڈمنیجر“ءِ آسراتی آؤرتگ
Photo credit : Google
گوگل ءَ وتی کروم براؤزر ءِ 88ورژن ءِ تہا نوکیں پاس ورڈ منیجرءِ آسراتی آؤرتگ کہ پاس ورڈ ءِ پہریزگ ءَ کمک کنت۔
بلے کلاں پیش وتی گوگل کروم ءَ اپ ڈیٹ بکن اِت۔ء ُ ایشیءَ رند گوگل ءِ ہوم پیج ءَ پچ بکن اِت۔
گوگل ہوم پیج ءِ پچ بوہگءَ رند راستیں نیمگءَ پرو فائل امیج ءَ کلک بکن اِت۔ ء ُ ایشیءَ رند جہلءَ چابی ءِ آئیکون ءِ آپشن ء ُ پداپاس ورڈ ءِ آپشن ءِ سرا برو اِت۔انچوش کہ جہلءَ عکس ءِ تہا پدر اِنت۔
 |
| Photo credit : Google |
اے عمل ءِ کنگءَ پد یک نوکیں اسکرینے دیام کئیت کہ اودءَ گوگل ءِ نیمگءَ چہ گشگ بیت کہ کجام سروس ءِ پاس ورڈ اناں گوستگیں وہداں ہیک کنگءِ جہد کنگ بوتگ ء ُ کجام پاس ورڈنزور اَنت۔
گوگل ءِ کروم براؤزردنیا ءِ تہا سک باز کارمرز بیت پمشکہ اے رنگیں اپ ڈیٹ ءِ سئیگ بوہگ المی اِنت۔
گوگل ءِ کروم براؤزر ءِ تہا ”پاس ورڈ منیجر“ ءِ گیشی یک سکیں جوانیں کارے کہ چریشیءَ چہ مردم ہیکراں چہ رک اِت کنت۔ء ُ پاس ورڈ منیجر ءِ تہا پاس ورڈانی بدل کنگ ء ُ جوان تریں پاس ورڈمان کنگ ءِ کار باز ارزان کنگ بوتگء ُ ہمک مردم ارزانی ءَ وتی پاس ورڈاں شرکرت ء ُ بدل کرت کنت۔
انوں ”پاس ورڈ منیجر“ ءِ اے فیچر بس کروم ءِ ویب ورژن ءِ تہا دئیگ بوتگ بلے اینڈرائیڈ ءِ تہا انگتءَ آرگ نبوتگ۔ہاں البتہ آئی فون ء ُ آئی پیڈءِ کارمرزکنوکانی واستہ اے فیچر دئیگ بوتگ۔
0 Response to "گوگل ءَ وتی کروم براؤزرءِ تہا ”پاس ورڈمنیجر“ءِ آسراتی آؤرتگ"
Post a Comment