سام سنگ گلیکسی ایس سیریز ءِ3 فون، ایس21، ایس21پلس ء ُ ایس 21الٹراماں نہادیءَ
Photo credit : SAMSUNG
سام سنگ ءَ وتی گلیکسی سیریز ءِ 3نوکیں فون”گلیکسی ایس21“، ”گلیکسی ایس21پلس“ ء ُ ”گلیکسی ایس 21الٹرا“ پہ بہا نہادی ءَ ایر کرتگاں۔ اے فونانی تہا ”ایس پین“ بزاں کی قلم ام ہوار اِنت۔
بازیں مردمانی ھیال اِنت کہ سام سنگءِ گلیکسی ایس سیریز ءِ گون ءَ ”ایسپین“بزاں کہ قلم ءِ ہوار کنگ ءِ مراد ایش اِنت کہ کمپنی وتی گلیکسی نوٹ سیریز ءَ ہلاس کنت ”ایس سیریز“ءِ گون ءَ ہوار کنت۔پرچا کہ ایشیءَ چہ کمپنی ءَ را وتی فولڈ والافونانی کساس گیش کنگ ءِ واستہ زّر رسیت۔
گلیکسی ایس 21ءِ نہاد 800ڈالر، گلیکسی ایس 21پلس ءِ نہاد1000ڈالرء ُ گلیکسی ایس 21الٹراءِ نہاد1200ڈالر اِنت۔
ایس سیریز ءِ تہا نوک تریں پراسیسنگ چپءِ ہوری ءَ 5جی ام دئیگ بوتگ۔اے فون ویڈیو شوٹ کنگ ء ُ چارگءَ ابیدعکس کشگ ء ُ اسکرین ءِ ءِ سرا کار کنھ ءِ واستہ ڈیزائن کنگ بوتگاں۔
اے سیریز ءِ درستاں چہ گران نہادیں فون ”ایس 21الٹرا“ اِنت کہ ایشیءِ تہاپُشتءَ چار کیمرا دئیگ بوتگ کہ دگہ دگہ اینگلاں چہ عکس کشگ ء ُ زوم کنگ ءَ کمک کن اَنت۔
سام سنگ ءِ کمیونیکیشنز بزنس ءِ سروک ٹی ایم روہ ءِ گشگءِ پدءَ سام سنگ ”الیکٹرانک پین“پین ءِ آسراتی ءَ وتی ایندگہ فونانی تہا دئیگ ءِ ارادہ داریت۔
ایس 21ءِ اسکرین6.2اِنچ اِنت۔ایس 21پلسءِ اسکرین 6.7اِنتء ُ ایس 21الٹراءِ اسکرین 6.8انچ اِنت۔ء ُ اے اسکرین ویڈو چارگ ء ُ گوازی ءِ واستہ جوانیں ٹیکنالوجی ءَ پُر اَنت۔
0 Response to " سام سنگ گلیکسی ایس سیریز ءِ3 فون، ایس21، ایس21پلس ء ُ ایس 21الٹراماں نہادیءَ"
Post a Comment