ویووءِ نوکیں فلیگ شپ فون ”ایکس 60 پروپلس“پیش کنگ بوت

Photo credit : Vivo

ویوو ءِ اے سال 2021ءِ اولی  فلیگ شپ فون ”ایکس 60پروپلس“ ماں چین ءَ پہ بہاپیش کنگ بوت۔

کمپنی ءَ گوستگیں سال ءَ ”ایکس 60ء ُ ایکس 60پرو“پیش کرتگاں ء ُ نوں اے نوکیں سال ءَ ہمے سیریز ءِ سیمی فون ”ایکس 60پروپلس“ پیش کرتگ۔

کمپنی ءِ گشگ اِنت کہ اے فون ”ایکس 60پروپلس“ ایکس60 سیریزءِ زوراور تریں فون اِنت۔ ء ُ کیمرا دوستیں گراکانی واستہ اے یک جوانیں ڈیوائسے۔

 اے  فون ”ایکس 60پروپلس“ءِ تہا گیمبل اسٹیبلائزیشن سسٹم ءِ اپ گریڈ ورژن جوان تریں کیمرا سنسر ءِ گون ءَ دئیگ بوتگ۔

اے فون ءِ تہا ”کوالکوم“ءِ نوکیں اسنیپ ڈراگون 888پراسیسرگوں  نوکیں امیج پراسیسنگ الگورتھمءَ دئیگ بوتگ۔ 

کمپنی ءِ گشگ اِنت کہ نوکیں پراسیسرءِ جی پی یو 35در سدتیزء ُ 20درسدگیش پاورپہریز ایت۔اے اے پراسیسر جوانی ءَ کاربکنت ایشیءِ واستہ فون ءِ تہا تیزیں ایل پی ڈی ڈی آر ایس 8ءَ چہ بگرداں 12جی بی ریم دئیگ بوتگ کہ ڈیٹاہاں 6400ایم بی ایس پی ءِ رفتارءَ چہ ٹرانسفر کنت۔

اسٹوریج ءِ واستہ 128ءَ چہ بگر داں 256جی بی یو ایس ایف 3.1اسٹوریج ءِ گیش ء ُ جوان تریں ورژن کارمرز کنگ بوتگ۔

فون ءِ تہا 6.56اوایل ای ڈی،گول بزاں کہ کرب والا ڈسپلے، 120ہرٹزریفریش ریٹ ءِ گون ءَ دئیگ بوتگ۔

اے ڈسپلے ایچ ڈی آر 10پلس کمک کنت۔

فون ءِ تہا 4200ایم اے ایچ بیٹری گوں 55واٹ تیزیں چارجءِ کمکءَ دئیگ بوتگ کہ  یو ایس بی سی پورٹءِ گون ءَ اِنت۔ 

اے فون ءِ ڈبہ ءِ تہا چارجر،کیبل، یو یس بی سی ہیڈ سیٹ ء ُ یو یس بی سی ٹو3.5ایم ایم اڈاپٹر است اَنت۔وہدے کہ یک کلیئر پروٹیکٹیو پوش ے ام دئیگ بوتگ۔

فون ءِ پشتءَ چار کیمرا دئیگ بوتگ۔

فون ءِ اولی بزاں کہ مین  کیمرا50میگا پکسل ئیگ اِنت کہ آئی ءِ تہا ڈوئل پکسل پی ڈی اے ایف، لیزر، اے ایف،اوآئی ایس ء ُ ایندگہ آسراتی است اَنت۔

کمپنی ءِ گشگ اِنت کہ کیمرا ءِ مزنیں 1.2یو ایم پکسل ء ُ برائٹ ایف 1.57آپررکم روشنائی ءَ عکس کشگءَ کمک کن اَنت۔

اے کیمرا ءِ تہا سپر نائٹ موڈ2.0دئیگ بوتگ کہ سک کم روشنائی ءَ چہ کار کنت۔وہدے کہ لائٹ سنسٹیوویٹی38.8درسدء ُ فوٹو ایکوریسی22درسد جوان تر کنت۔

فون ءِ تہا 48میگا پکسل الٹراوائیڈکیمراگوں گیمبل اسٹیبلائزیشن سسٹم ءَ موجود اِنت کہ روایتی او آئی ایس سسٹمءِ مقابلہ ءَ 3در سد گیش سُروکیں عکسانی کشگءَ کمک کنت۔

فون ءِ تہا 8میگا پکسل پیری اسکوپ کیمرا 5ایکس آپٹیکل زومءِ گون ءَ دئیگ بوتگ کہ 60ایکس ڈیجیٹل زوم ءِ آسراتی ءَ ام دنت۔

چارمی کیمرا 32میگا پکسل ئیگ اِنت کہ ٹیلی فوٹو کیمرا یے۔ء ُ مڈ رینج زومء ُ پورٹریٹ شاٹانی واستہ اِنت۔

فون تہا داتگیں اے درست زئیسز کیمرا اَنت کہ اے  اینٹی ریفلیکٹیوکوٹنگ کنگ بوتگاں ء ُ اولی رندایک اسمارٹ فونے ءِ تہا نانو کرسٹلائن اسٹرکچر  ام دئیگ بوتگ۔ 

کمپنی ءِ گشگ اِنت کہ اے کیمرا سیٹ اَپ4کے ایچ ڈی آر10پلس ءِ گون ءَ8کے ویڈیوریکارڈ کنت۔

فون ءِ دیما 32میگا پکسل کیمرا پنچ ہول ڈیزائن ءِ تہا دئیگ بوتگ۔

اے فون انوں چین ءَ پہ بہا پیش کنگ بوہگءَ اِنت کہ ایشیءِ 8جی بی ریم ء ُ 128جی بی اسٹوریج والا ورژن 5ہزاریو آن بزاں کہ یک لکء ُ23ہزارپاکستانی کلدار اِنت۔وہد ے کہ 12جی بی ریم ء ُ 256جی بی اسٹوریج والا ورژن 6ہزاریو آن بزاں کہ یک لکء ُ 48ہزار پاکستانی کلدار اِنت۔