آنر ءَ وتی نوکیں فون ”آنر وی 40فائیو جی“نہادی ءَ سرکرت

Photo credit : Honor

اسمارٹ فون جوڑ کنوکیں مزنیں کمپنی ”ہوا وے“ ءَ چہ گستا بوہگءَ رند ”آنر“ ءَ وتی اولی فون نہادی ءَ سرکرت۔

یاد بہ بیت کہ ”آنر“،”ہواوے“ ءِ جہلی کمپنی یے اَت۔ وہدے امریکا ءَ ”ہواوے“ ءِ سرا پابندی جتگ گڈا ”آنر“ء ُ  ”ہواوے“ ءِ فون گوگل ءِ سسٹم ”اینڈ رائیڈ“ ءَ چہ زبہر بوتگاں چیریشی ءَچہ ”ہواوے ء ُ آنر“ ءِ فونانی  سرا بازاسر کپتگ۔اے  فونانی تہا ”اینڈ رائیڈ“ سسٹم ءِ مان نہ بوہگءَ چہ مہلوکءَ اے دوئیں کمپنیانی فون ءِ بہا گرگ بند کرتگ۔

 ہواوے ءِ سرا امریکا ءِ پابندیء ُ تاوان ءَ رند”آنر“ چہ”ہواوے“ ءَ گستا بوت۔ء ُ پدا امریکا ءَ آنرءَ را یک گستائیں برانڈے ءِ صورتءَ قبول کرتگ۔ ء ُ نوں ”آنر“ ءَ چہ ہواوے ءَ گستائی ءَ پدوتی اولی فون نہادی ءَ پیش کرتگ کہ گوگل ءِ اینڈرائیڈسسٹم ءِ تہا اِنت۔

آنروی40فائیو جی ءِ تہا میڈیا ٹیک ءِ ڈیمینسٹی 1000پلس پراسیسردئیگ بوتگ۔

فلیگ شپ فیچراں چہ پُرّیں اے فون ءِ تہا 6.72انچ ءِ او ایل ای ڈی ڈسپلے دئیگ بوتگ کہ گول اِنت بزاں کہ کرب اِنت۔وہدے کہ ڈسپلے ءِ سرا پنچ ہول ڈیزائن ءِ تہا ڈوئل سیلفی کیمر ادئیگ بوتگ۔

فون ءِ ڈسپلے ءِ تہا 120برٹزریفریش ریٹء ُ 300برٹز سیمپلنگ ریٹ دئیگ بوتگ۔

فون ءِ تہا 4000ایم اے ایچ بیٹری،ء ُ 66واٹ ءِ تیزیں جارج ءِ کمک دئیگ بوتگ۔ کہ کمپنی ءِ گشگ ءِ پدءَ 35منٹ ءِ تہا بیٹری تیوگءَ چارج بیت۔

فون ءِ تہا اینڈرائیڈ10آپریٹنگ سسٹم کمپنیءَ وتی میجگ یو آئی 4.0ءَ گوں ہمگرنچ کرتگ۔ 

اے فون ءِ تہا 8جی بی ریم ء ُ 128ءَ بگر داں 256جی بی اسٹوریج دئیگ بوتگ۔

فون ءِ پُشتءَ3 کیمرادئیگ بوتگ۔مین کیمرا50میگا پکسل ئیگ اِنت کہ ایشیءِ تہاآر وائے وائے بی سنسرہوار اِنت۔

ایشیءَ چہ ابید 8میگا پکسل الٹراوائیڈاینگل ء ُ 2میگا پکسل کیمرا کلوز اپ شاٹانی واستہ دئیگ بوتگ۔ ء ُ اے کیمرا لیزرآٹوفوکس ءِ گونءَ اِنت وہدے کہ یک ایل ای ڈی فلیش ے ام ایشیءِ بہر اِنت۔  

فون ءِ دیما16میگا پکسل ء ُ کر اسپیکٹرم سنسردئیگ بوتگ۔

آنر وی40ءِ 8جی بی ریم ء ُ 128 جی بی اسٹوریج والا ورژن  ءِ نہاد 3599چینی یو آن اِنت بزاں کہ 89ہزار پاکستانی کلدار ءَ چہ گیش اِنت۔وہدے کہ 256جی بی اسٹوریج والا ورژن ءِ نہاد3999یو آن اِنت بزاں کہ 99ہزار پاکستانی کلدارءَ چہ گیش اِنت۔