جاپانءَ کرونا وائرس ءِ ٹیسٹ کنوکیں روبوٹ جوڑ کرتگ
 |
| Photo credit : Reuters |
جاپان ءِ کاواساکی ہیوی انڈسٹریز ءَ یک انچیں روبوٹے جوڑ کرتگ کہ کورونا وائرس ءِ ٹیسٹ ءَ کنت۔
جاپان ءِ جان دراہی ءِ وزیرءِ گشگ اِنت کہ اے روبوٹ نادراہ ءِ پونز ءِ تہا وتی مان کنت ء ُ کورونا ٹیسٹ ءِ سیمپلاں زوریت ء ُ80منٹءِ اندرءَ پسو دنت کہ ترا کورونا است یا نا۔
اصل ءَ ہمے سال ءَ جاپان ءَ اولمپکس ءِ گوازی بوہگی اَنت۔ ء ُ جاپان ءِ سرکار لوٹیت کہ کورونا زوتءَ چہ زوت گرء ُدار کنگ بہ بیت پمشکہ اے روبوٹ جوڑ کنگ بوتگ تاکیں کورونا ٹیسٹانی تہا گیشی آرگ بہ بیت۔
جاپان سرکارءِ گشگ اِنت کہ اے روبوٹ سسٹم شپنگ کنٹینرانی کمکءَ چہ گاڑیانی تہا مان کنگ بنت ء ُ مزنیں لئیب جاہ، پارک ء ُ ہر ہما جاہ کہ اودءِ مہلوک ءِ رش بہ بیت، ایر کنگ بنت تاکیں کورونا ٹیسٹ گیش ءَ چہ گیش کنگ بہ بیت۔
اے روبوٹ وہدے مردمانی کورونا ٹیسٹانی سیمپلاں کہ زورنت گڈا 40فٹ ءِ سرا موجود یں کنٹینرانی تہا اے سیمپلانی ٹیسٹ کنگ بیت۔
کورونا وئرس ءِ ٹیسٹ کنوکیں اے روبوٹ سسٹم 16کلاک ءِ تہا2ہزار سیمپلاں ٹیسٹ کرت کنت۔
جاپان ءِ جان دراہی ءِ وزیرءِ گشگ اِنت کہ مئے کرءَ وہد باز کم اِنت،اولمپکس ءَ 200روچ سر اتکگء ُ مالوٹیں کہ اے روبوٹانی کمکءَ چہ کورونا ٹیسٹ ءِ کارءَ گیش ءَ چہ گیش بکنیں۔
0 Response to " جاپانءَ کرونا وائرس ءِ ٹیسٹ کنوکیں روبوٹ جوڑ کرتگ"
Post a Comment