واٹس ایپ ءِ آفیشل اسٹیٹس نوں کارمرز کنوکانی اکاؤنٹانی تہاگند گ بیت
Photo credit : WhatsApp
واٹس ایپ ءِ پرائیویسی پالیسی ءِ بدل کنگء ُ پدا وتی گپ ءِ واپس زورگءَ پد واٹس ایپءِ سرا انگتءَ مہلوک ءِ بھیسہ مھکم نہ اِنت بلے نوں کمپنی ءَ یک دگہ بدلی یے آؤرتگ تاکیں تاکہ مردمانی بھیسہ ءَ مھکم بکنت۔
کمپنیءَ جار جتگ کہ آ نوں وتی کارمرز کنوکانی گون ءَ تچکءَ ھال کنت۔
واٹس ایپ ءَ وتی آفیشل اسٹیٹس نوں کارمرزکنوکانی اکاؤنٹانی تہا دئیگ ءِ کار بندات کرتگ۔
مروچی 28جنوری ءَ دنیاءِ تمامیں واٹس ایپ کارمرز کنوکانی اکاؤنٹانی اسٹیٹسانی تہا کمپنی ءِ آفیشل اسٹیٹس دئیگ بوتگاں کہ مردماں دیستگاں ء ُ انگتءَ است اَنت۔
واٹس ایپ کارمرز کنوکانی اسٹیٹسانی تہا کمپنی ءِ آفیشل اسٹیٹس ءِ آہگ ءِ مول ء ُ مراد ایش چی اِنت؟ بازیں مردمے ہمے گشگءَ اِنت کہ کمپنی یا کمپنی ءِ سروک ءِ کراکلیں دنیا ءِ واٹس ایپ کارمرز کنوکانی نمبر است اَنت ء ُ مہلوک ءِ ذاتی ڈیٹا چوش کہ کلوہ، ویڈیو، آڈیو ء ُ ایندگہ نکاناں ام آ دیست کن اَنت۔
نوں جست اے دیما کئیت کہ کمپنی ءِ ”ہینڈ ٹو ہینڈ انکرپٹڈ“ءِ گپ دروگے؟ء ُ کمپنی مہلوک ءِ ذاتی ڈیٹا ہاں ایندگہ کمپنیاں ام دات کنت؟ یا بگندئے دئیگ بوہگءَ اَنت بس کارمرزکنوکاں سرپد نیاں؟؟۔
اے بازیں جست انت بلے کمپنی ءِ گشگ اِنت کہ ہینڈ ٹوہینڈ انکرپشن پالیسی ہما رنگءَ برجاہ اِنتء ُ کار مرزکنوکانی کال، کلوہ ء ُ ایندگہ نکاناں کس دیست نکنت۔
واٹس ایپءَ وتی ایپلی کیشن ءِ تہاپہ کمپنی ءَ یک آفیشل اسٹیٹس ے ءِ گیشی کرتگ۔ء ُ واٹس ایپ ءِ گشگ اِنت کہ کمپنی ءِ نیمگءَ چہ نوں ہر وڑیں بدلی یے آرگ بیت یا نوکیں فیچرے آرگ بیت یا وٹس ایپ َٗ یک جارے جنئگ بیت نوں درستیں اپ ڈیٹ واٹس ایپ ءِ آفیشل اسٹیٹس ءِ تہا دئیگ بنت تاکیں کلیں مردم ایشاں دیست بکنت ء ُ زانت ء ُ سرپد بہ بیت۔
کمپنی ءَ وتی آفیشل اسٹیٹس ءِ تہامہلوک ءِ بھیسہ دوبرآرگ ءِ جہد کرتگ ء ُ اے گشتگ کہ کارمرز کنوکانی پرائیویسی مئے ذمہ واری اِنت۔
0 Response to " واٹس ایپ ءِ آفیشل اسٹیٹس نوں کارمرز کنوکانی اکاؤنٹانی تہاگند گ بیت"
Post a Comment