فیس بک ءِ کہنیں ڈیزائن بس چندے روچ ءِ مہمان اِنت
 |
| فوٹو بشکریہ.... Pixabay |
سوشل میڈیاءِ تہا درستاں چہ گیش کارمرز بوؤکیں ویب سائٹ”فیس بک“ءِ کلاسیک ڈیزائن بس چندے روچ ءِ مہمان اِنت۔ء ُ ایشیءِ جاہ ءَ نوکیں ڈیزائن مئے وداریگ اِنت۔
یک سالے ءَ گیش اِنت فیس بک ءِ سروک واجہ مارک زکر برگءَ فیس بک ءِ نوکیں ڈیزائن کارمرزکنوکانی دیما آؤرتگ۔ کہ نوں باز زوت ائے نوکیں ڈیزائن،کہنیں ڈیزائن بزاں کہ کلاسیک ڈیزائن ءِ جاہ ءَ گپت۔
فیس بک ءِ ڈیسک ٹاپ ورژن ءِ واستہ نوکیں ڈیزائن ہمے سال ءَ مئی ءِ ماہ ءَ کارمرزکنوکانی دیما آرگ بوتگ۔ بلے آوہدءَ اے فیصلہ کارمرز کنوکانی سرا یلہ دئیگ بوتگ کہ آ کجام ڈیزائنءَ گیش کارمرز کن اَنت۔
بلے نوں کمپنی ءِ گشگ اِنت کہ ستمبرءَ فیس بک ءِ کلاسیک ڈیزائن پہ دائمی ہلاس کنگ بوہگءَ اِنت۔
اے ری ڈیزائن کرتگیں ڈیسک ٹاپ ویب سائٹ ورژن ءِ تہا ڈارک موڈ ءِ آسراتی ام دئیگ بوتگ۔
اے ڈیزائن ءِ آزمائش ہمے سال ءِ بنداتءَ کارمرزکنوکانی کسانیں کساسے ءَ کنگ بوتگ۔ء ُ مئی ءِ ماہ ءِ تہا ایشیءَ را ہمک کارمرزکنوک ءِ واستہ پیش کنگ بوتگ۔
اے نوکیں ڈیزائن موبائل ایپ ءِ دروشم ءَ جنت۔کمپنی ءِ گشگ اِنت کہ اے نوکیں ڈیزائن ءِ تہا ویڈیو،گیمزء ُ گروپانی شوہازگ ءِ کار ارزان بیت۔
کمپنی ءِ گشگ اِنت کہ موبائل ایپ ءِ وڑا ڈیسک ٹاپ ءِ اے نوکیں ویب سائٹ ڈیزائن۔ کہنیں ڈیزائن ءَ چہ گشادیءَ اپ لوڈ بیت۔وہدے کہ نوکیں ڈیزائن ءِ تہا ایونٹس، پیجز،گروپسء ُ اشتہارجوڑ کنگ ءِ کار ہم ارزان ترکنگ بوتگ۔
اے نوکیں ڈیزائن ءِ جوان تریں شری یکے ایشیءِ ڈارک موڈ اِنت ء ُ دومی پوسٹانی وانگ اِنت۔
نوکیں ڈیزائن ءِ تہا لبز گیشتر مستر اَنت ء ُ پوسٹانی وانگ نوں پیسری ئیں کہنیں ڈیزائن ءَ چہ سک باز گہتر اِنت،بزاں اے نوکیں ڈیزائن واناک تر اِنت چہ کہنیں ڈیزائن ءَ۔
0 Response to " فیس بک ءِ کہنیں ڈیزائن بس چندے روچ ءِ مہمان اِنت"
Post a Comment