رئیل میءَ وتی فلیگ شپ فون ’’ایکس 50 پروپلیئر“ پیش کرتگ

   realme فوٹو بشکریہ  

رئیل میءَ وتی فلیگ شپ فون ’’ایکس 50 پروپلیئر“ چین ءَ یک آن لائن ایونٹے ءَ پیش کرتگ۔

گشنت کہ اے فون ”ایکس 50پرو“ءِ چارگءَ جنت بلے ایشیءِ ہارڈویئر کمے جوان تر اِنت۔

فون ءِ تہا اسنیپ ڈراگون 865پراسیسردئیگ بوتگ۔ وہدے کہ 6.44 انچ امولیڈڈسپلے 90ہرٹزریفریش ریٹ ءِ گون ءَ موجود اِنت۔

فون ءِ تہا 5جی ءِ آسراتی است اِنت۔وہدے کہ 4200ایم اے ایچ بیٹری 65واٹ تیزیں چارج ءِ آسراتی ءِ گون ءَ دئیگ بوتگ۔کہ چریشیءَ چارج ءَ چہ ہورکیں بیٹری 35منٹءِ تہا چارجءَ  پُر بیت۔ 

رئیل می ایک 50پروپلیئرءِ تہا میموری،چپ سیٹ ء ُ بیٹری پاورءِ واستہ ہائپربوسٹ 3.0 ٹیکنالوجی کار مرز کنگ بوتگ کہ گوازی(گیم) کنگءِ ساہتءَ ایندگہ ایپلی کیشنانی نوٹیفکیشن ء ُ بیک گراؤندءَ ایپلی کیشناں چالو بوہگءَ، ء ُ لوکیشن سروس ءَ بند ہم کنت۔

ایشیءَ ابید اے ٹیکنالوجی وائی فائی ءَ چہ ایل ٹی ای یا فائیوجی ءَ روگ ءِ کار ءَ جوانی ء ُ ارزانی ءَ کنت کہ چریشیءَ چہ آن لائن گیمانی سرا اثرنئیت۔  

اے فون ءِ تہا 6، 8ء ُ  12جی بی ریم ء ُ 128اسٹوریج جی بی دئیگ بوتگ بلے ایس ڈی کارڈءِ آسراتی نیست اِنت۔

فون ءِ تہا سرد کنگ ءِ سسٹم جوان تر کنگ بوتگ۔ایشیءِ واستہ بیٹری ء ُ بیک پینل ءِ میان ءَ گارفیٹ شیٹ کار مرز کنگ بوتگ تاکہ گرمائش دارگ بہ بیت۔

فون ءِ تہا اینڈرائیڈ10آپریٹنگ سسٹم ءَ راکمپنی ءَ وتی یو آئی ءَ 1.0انٹر فیسءَ گوں ہمگرنچ کرتگ۔

اے فون ءِ تہا پُشتءَ 48میگا پکسل کیمرا دئیگ بوتگ۔کہ ایشیءِ گون ءَ 8میگاپکسل الٹرا وائیڈ،  2میگاپکسل میکروء ُ 2میگاپکسل ڈیپتھ کیمرا دئیگ بوتگاں۔

دیما ڈوئل بزاں دو کیمراءِ آسراتی است اِنت کہ 16میگاپکسل ء ُ 2میگاپکسل ڈیپتھ کیمراہانی گون ءَ اِنت۔

اے فون چین ءَ پری آرڈرپیش کنگ بوہگءَ اِنت۔ ء ُ یک جون ءَ دست کپیت۔

اے فون ءِ 6جی بی ریم ء ُ 128جی بی اسٹوریج والا ورژن ءِ نہاد ماں پاکستانی نیادی ءَ 61ہزاربیت۔ 8جی بی ریم ء ُ 128جی بی اسٹوریج والا ورژ ن  ءِ نہاد ماں پاکستانی نیادی ءَ 7 6ہزاربیت۔وہدے کہ12جی بی ریم ء ُ 128جی بی اسٹوریج والا ورژ ن ءِ نہاد ماں پاکستانی نیادی ءَ 4 7ہزاربیت۔