آنر ایکس 10، فائیوجی فون پیش کنگ بوت

 vmall فوٹو بشکریہ 

 ہواوے ءِ کمپنی”آنر“ ءَ وتی یک فوئیو جی فونے ”آنر ایکس 10“ ءِ نام ءَ پیش ءَ  کرتگ۔

آنر ایکس 10، فائیوجیءِ تہا کیرین 820پراسیسر کارمرزکنگ بوتگ۔وہدے کی ڈوئل موڈ فائیو جی ءِ کمک دئیگ بوتگ۔ء ُ 9فائیو جی فریکوئنسی بینڈ ہم است اِنت۔

اے فون ءِ تہا اینڈرائیڈ10آپریٹنگ سسٹم کمپنی ءَ وتی جند ءِ جادوئی یو آئی ءَ چہ ہمگرنچ کرتگ۔وہدے کہ 6ءَ چہ 8ءِ جی بی ریم ء ُ 64ءَ چہ 128جی بی ریم ءِ اسٹوریج ءِ آسراتی است اَنت۔

فون ءِ اسٹوریج ءِ تہا مائیکرو ایس ڈی کارڈءِ کمکءَ چہ 256جی بی تک گیشی آرت کن اِت۔

اے فونءِ ڈسپل ءِ 6.63انچ اِنت ء ُ تیوگءَ ایچ ڈی پلس آئی پی ایس ایل سی ڈی اِنت۔ء ُ ایشیءِ تہا  90ہرٹزریفریش ریٹ ء ُ 180ہر ٹزٹچ سیمپلنگ ریٹ دئیگ بوتگ۔

فون ءِ پشتءَ سئے کیمرا دئیگ بوتگ۔ مین کیمرہ 40میگا پکسل اِنت کہ آر وائے وائے بی سنسر ءِ گون ءَ اِنت کہ کم روژنائی ءَ جوانیں فوٹو گرافی ءِ آسراتی دنت۔

ایشیءَ چہ ابید 8میگا پکسل الٹراوائیڈء ُ 2میگا پکسل میکروکیمرہ ہم دئیگ بوتگ۔ کہ سپر نائٹ موڈ، تھری ڈی پورٹریٹ لائٹنگ ایفیکٹ ء ُ  960فی سیکنڈرفریم ویڈیوریکارڈنگءِ فیچر ہم است اِنت۔

فون ءِ دیما 20میگاپکسل کیمراپوپ اپ میکنزمءِ گون ءَ  دئیگ بوتگ۔

اے فون ءِ تہا ایندگہ جوانیں فیچرانی تہا جی پی یو ٹربوء ُ کیرین گیمنگ پلس2.0  ہوار اَنت۔کہ اے آئی فریکوئنسی موڈیولشنءِ واستہ کارمرز بنت۔تاکیں پاور ء ُ  لئیب (گیمنگ) ءِ  تہا برابری ءِ کساسے برجم بہ بیت۔

فون ءِ بیٹری 4300ایم اے ایچ اِنت۔ ء ُ  22.5 واٹءِ تیزیں چارجنگ ءِ کمک ءِ آسراتی ہم است۔

اے فون 4رنگانی تہا پیش کنگ بیت  ء ُ اے کلاں پیش چین ءِ تہا پہ بہا نیادی ءَ ایر کنگ بیت۔

آنر ایکس 10، فائیوجی فون ءِ 6جی بی ریم ء ُ 64جی بی اسٹوریج والا ماڈل 1899چینی یو آن بزاں 43ہزار پاکستانی کلدارءِ تہا دست کپیت۔

ہمے وڑا6جی بی ریم ء128جی بی اسٹوریج والا ماڈل 2199چینی یو آن بزاں 49ہزار پاکستانی کلدارءِ تہا دست کپیت۔

وہدے کہ 8جی بی ریم ء ُ 128جی بی اسٹوریج والا ماڈل 2399چینی یو آن بزاں 53ہزار پاکستانی کلدارءِ تہا بیت۔

امریکی بندشانی سبب ءَ ہواوے ء ُ آنرءِ نوکیں فونانی تہا گوگل سروس ء ُ ایپ نیست اَنت۔