ریڈمی ءَ وتی 10ایکس سیریزءِ 3فائیوجی فون پیش کرت

  Redmi فوٹو بشکریہ 

شیاؤمی ءِ چیری کمپنی ”ریڈمی“ءَ وتی 10ایکس سیریزءِ 3 فائیوجی فون پیش کرت۔

پیش کرتگیں اے فونانی تہا10یکس فائیوجی،10یکس پروفائیوجیء ُ  10یکس 4جی  ہوار اَنت۔ ء ُ  دوئیں فائیوجی فونانی نہاد ارزان تریں فائیوجی فون گشگ بوہگءَ اِنت۔

10یکس فائیوجی  ء ُ  10یکس  پروفائیوجی ءِ تہا  6.57 انچ ءِ امولیڈ ڈسپلے دئیگ بوتگ۔

دوئیں فونانی تہا میڈیا ٹیک ڈیمینسٹی 820پروسیسردئیگ بوتگ۔ 10ایکس فائیوجی ءِ تہا 6ءَ چہ 8جی بی ریم وہدے کہ 10ایکس پروفائیوجی ءِ تہا 8جی بی ریم ہوار کنگ بوتگ۔ ء ُ  ہر دوئیں فونانی تہا 64ء ُ 256جی بی اسٹوریج دئیگ بوتگ۔

اے فونانی تہا اینڈرائیڈ 10آپریٹنگ سسٹم کمپنی ءَ وتی ایم آئی اے 12ءَ گوں ہمگرنچ کرتگ۔ء ُ دوئیں فونانی تہا4520ایم اے ایچ بیٹری دئیگ بوتگ۔وہدے کہ 10ایکس فائیوجی ءِ تہا 22.5  واٹ ءِ تیزیں چارجء ُ 10ایکس پرو فائیوجی ءِ تہا 33واٹ ءِ تیزیں چارج ءِ آسراتی دئیگ بوتگ۔

10ایکس فائیوجی ءِ تہا پُشتہ 48میگا پکسل ءِ کیمرا، 8میگا پکسل الٹراوائیڈء ُ  2میگا پکسل ڈیپتھ کیمرا، بزاں ٹوٹل سئے کیمرا دئیگ بوتگ۔ 

 وہدے کہ 10ایکس پروفائیوجی ءِ تہا پُشتہ چار کیمرا دئیگ بوتگ۔ کہ مین کیمرا48میگا پکسل ئیگ اِنت۔ ء ُ  8میگا پکسل الٹراوائیڈ،8 میگا پکسل ٹیلی فوٹولینس3ایکس آپٹیکل زوم ءِ ہمرائی ءَ دئیگ بوتگ۔ ہمے وڑا 5میگا پکسل میکرو کیمرا ہم دئیگ بوتگ۔

10ایکس فائیوجی ءِ تہا دیم ءِ کیمرا 16میگا پکسل ئیگ اِنت وہدے کہ 10ایکس پرو فائیوءِ تہا 20میگا پکسل کیمرا ”واٹر ڈراپ“ نوچ ءِ تہا دئیگ بوتگ۔  

 10ایکس فائیو جی ءِ 6جی بی ریم ء ُ 64جی بی ریم اسٹوریج والا ورژن ماں پاکستانءِ نہادی ءَ 35ہزارکلدارءَ دست کپیت۔ ء ُ اے فون ماں نہادی ءَ درستاں چہ کم نہادیں فائیوجی فون اِنت۔

وہدے کہ 6جی بی ریم ء ُ 128اسٹوریج والا ورژن ماں پاکستان ءِ نہادی ءَ 40ہزارکلدار، 8جی بی ریم ء ُ 128اسٹوریج والا ورژن 47ہزارکلدار، ء ُ 8جی بی ریم ء ُ 256جی بی اسٹوریج والا ورژن53کلدارءَ چہ کمے گیش بہا کنگ بیت۔

 10ایکس پرو ءِ  8جی بی ریم ء ُ 128جی بی اسٹوریج والا ورژن کسا س 50ہزار کلدارءَ ماں پاکستان ءِ نہادی ءَ بہا بیت۔ وہدے کہ ہمے وڑا 8جی بی ریم ء ُ 256جی بی اسٹوریج والا ورژن 58ہزار کلدارءَ پہ بہا ایر کنگ بیت۔

10ایکس یک جون 2020ءَ، وہد ے کہ 10ایکس پرو6جون 2020ءَ ماں نہادی ءَ دست کپیت۔ 

گشگ بوہگءَ اِنت کہ ریڈمی 10ایکس 4جی اسلءَ ریڈمی نوٹ 9ءِ نوکیں نام اِنت کہ پیسرا مان پاکستان ءِ نہادی ءَ 22ء ُ 23ہزارءَ بہا بوہگءَ اِنت۔