اینڈرائیڈ سسٹم 11ءِ شنگ کاری ءِ عمل بندات بوت
گوگل ءَ وتی اینڈرائیڈ آپریٹنگ سسٹم یازدہ ءِ شنگ کنگ ءِ عمل بندات کرتگ۔
اے آپریٹنگ سسٹم چندے ماہ پیسربیٹا ورژن ءِ تہا دئیگ بوتگ بلئے نوں اسمارٹ فونانی واستہ ایشیءِ شنگ کاری ءِ عمل بندات کنگ بوتگ۔
چوناہا ءَ اے آپریٹنگ سسٹم پیسرءَ تہناگوگل پکسل فونانی تہا دئیگ بوتگ بلے نوں ایشیءَ را ایندگہ کمپنیانی اسمارٹ فونانی تہا کارمرز کنگ ءِ کار بندات کنگ بوتگ۔
ینڈرائیڈ یازدہ ءِ تہا گوگل ءَ بازیں نوکیں فیچر ءِ گیشی آؤرتگ۔ء ُ اے فیچرانی کارمرزی ہم ارزان کنگ بوتگ۔
اینڈرائیڈیازدہ ءِ تہا مستریں بدلی میسجنگ ایپانی تہا گروپ نوٹیفکیشن ئیگ اِنت۔فیس بک میسجنگ ءِ وڑا ببل انٹر فیس تمامیں میسجنگ نوٹیکفکیشن ءِ واستہ دئیگ بوتگ۔
اینڈرائیڈ یازدہ ءِ تہا میڈیا کنٹرول، یک نوکیں اسکرین شاٹ انٹر فیسء ُ یک سسٹم لیول اسمارٹ فون ہوم کنٹرول ءِ مینو یے ہم دئیگ بوتگ۔
اے نوکیں آپریٹنگ سسٹم ءِ تہا کارمرز کنوکانی رازداری (پرائیویسی) ءِ پہریز گ ءِ واستہ پر میشن سینٹنگ ءَ را گیشتر سخت کنگ بوتگ۔
ایشی ءَ ہم بوان اِت۔
اینڈرائیڈ 11 گوں پنچ نوکیں آسراتیاں ساڑی اِنت۔
اینڈرائیڈ یازدہ ءَ را انوں ون پلس، شیاؤمی، اوپو، رئیل می ءِ جوانتریں بزاں کہ فلیگ شپ فونانی تہا اپ ڈیٹ کنگ بوہگءَ
اِنت۔
اے نوکیں آپریٹنگ سسٹم گوگل پکسل 3,3,2اے ء ُ 4ءِ کارمرز کنوکانی واستہ ہم دئیگ بوہگءَ اِنت۔
ون پلس 8ء ُ 8پروءِ کارمرز کنوک ہم وتی آپریٹنگ سسٹم ءَ اینڈرائیڈ یازدہ ءِتہا اپ ڈیٹ کرت کن اَنت۔
گوگل کمپنی ءِ اے ہم گشگ اِنت کہ آؤکیں وہدءَ ایندگہ کمپنیانی فونانی تہا اے آپریٹنگ سسٹم اپ ڈیٹ کنگ بیت۔
0 Response to "اینڈرائیڈ سسٹم 11ءِ شنگ کاری ءِ عمل بندات بوت"
Post a Comment