فیس بک ءَ کوہنیں نکانانی ڈیلیٹ کنگءِ آسراتی آؤرتگ

Pexels فوٹو بشکریہ 

فیس بکءَ وتی کارمرکنوکانی واستہ یک انچیں نوکیں آسراتی  یے آؤرتگ کہ چرائی ءَ چہ کوہنیں نکان بزاں کہ پوسٹ ہلاس (ڈیلیٹ)کنگ بنت۔

”منیج ایکٹیویٹی“نامیں اے نوکیں فیچرءَ چہ یکیں وھدءَ بازیں نکانانی ھلاس کنگ بزاں ڈیلیٹ کنگ ءِ آسراتی رسیت۔ ء ُ اے  فیچرءِ تہا ”آرکائیوز“ ءِآسراتی ہم دئیگ بوتگ کہ وتی پوسٹاں آرکائیوز ءِ تہا ہم ایر کرت کن اِت کہ اودءَ پوسٹاں بیدئے تئی جند ءَ دگہ کسے نہ گندیت۔

فیس بک کمپنی ءِ گشگ اِنت اے آسراتی ہماہانی واستہ آرگ بوتگ کہ وتی کوہنیں پوسٹاں ڈیلیٹ کنگ لوٹاں بلے یک یکءَ ڈیلیٹ کنگ ءِ سببءَ آہاناں مشکل بوتگ۔بلے نوں یکیں وھدءَ بازیں پوسٹے ہوریءَ ڈیلیٹ کنگ بیت۔

اے آسراتی انوں چندے مردماناں دئیگ بوتگ بلے چیزے روچءَ پداے آسراتی فیس بک ءِ   کلیں کارمرزکنوکاں  دئیگ بیت۔ 

اگاں فیس بک کارمرز کنوک وتی کوہنیں نکاناں ڈیلیٹ یا آرکائیوزءِ تہاایر کنگ لوٹاں گڈاآ وتی ہما پوسٹانی رمس، ٹیگ، عکس،ویڈیوء ُنبشتانکاں فلٹرءِ سببءَ شوہاز کرت کن اَنت۔بزاں کہ وتی کوہنیں پوسٹاں یک دمانے ءَ شوہاز کرت کن اِت ء ُ پدا آہاں ڈیلیٹ یا آرکائیوز ءِ تہا یر کرت کن اِت۔

اے آسراتی ءِ تہا ڈیلیٹ کرتگیں ہرنکان داں سی روچءَ یک فولڈرے ءِ تہا ایر بیت ء ُ پدا دائمی گاربیت۔ یا ہمے فولڈر ءِ تہا ایریں نکاناں وت ہم ڈیلیٹ کرت کن اِت۔