ٹک ٹاک مردمانی ذاتی ڈیٹا ہاں ایندگہ کمپنیاناں سرکنگ ءَ اِنت
 |
| Photo credit : Pexels |
کسانی ویڈو جوڑ کنوکیں ایپ ”ٹک ٹاک“ ءِ بابتءَ چہ اے ھال شنگ اِنت کہ ”ٹک ٹاک“ مردمانی ذاتی معلوم داریاں بزاں کہ ڈیٹاہاں ایندگی کمپنیاناں ام شنگ کنت۔
اے بابتءَ سائبر سیکورٹی کمپنی ”چیک پوائنٹ“ءَ ٹک ٹاک ءِ ”فائنڈ فرینڈ“ فیچر ءِ تہا یک انچیں نزوری یے ءِ بابتءَ ھیال درشان کرتگ کہ اے نزوری ءَ چہ ٹک ٹاک کارمرز کنوکانی فون نمبرء ُپروفائل سیٹنگءَ چہ دست رست کنت۔وہدے کہ اے ڈیٹاہاناں ایندگہ وطن دشمنی ء ُ سلِ کاریانی واستہ یک ڈیٹا بیس ے ءِ صورتءَ دئیگ بیت۔
ٹک ٹاک ءِ اے نزوری ءَ چہ کار مرز کنوکانی نک نیم،پروفائل فوٹو،یونیک یوزرآئی ڈیز ء ُ ایندگہ چیز زوال بنت۔
چیک پوائنٹ ءِ گشگ اِنت کہ ٹک ٹاک ءِ اے نزوری ءَ چہ یک اُرش کارے مہلوک ءِ ذاتی معلومداریاں زوریت ء ُ ہرابیں کارےءِ واستہ کارمرز کرت کنت۔
ٹک ٹاک ءِ گشگ اِنت کہ تنی ءَ چوشیں نوبت دیما نیاتکگ کہ اے نزوری ہیکرزاں کارمرز کرتگاں ء ُ ایشاناں وتی دستہ زرتگاں۔
کمپنی ءِ گشگ اِنت سیکورٹی ء ُ کمیونٹی ءِ پرائیویسی مئے اولی ذمہ واری اِنت ء ُ اے نزوری ءِ دیما آرگءَ چہ ما ”چیک پوائنٹ“ ءِ منہ واریں۔
ٹکٹاک ءِ یک جارچین ے ءِ گشگ اِنت کہ ما وتی پُشتہ مُہر کنگ ءِ جہد کنیں کہ ایشیءِ واستہ ما وتی تہی سسٹم ءَ ہر وہد اپ گریڈ کنگائیں ء ُ سیمی پارٹیانی گون ءَ ام کار کنگائیں۔
ایشیءَ پیش ام ہمے ماہ ءِ بنداتءَ چارء ُ تپاس کاراں ٹک ٹاکءِ سافٹ ویئر ءِ نزوریانی یک سیریزے ءِ بابتءَ ھال داتگ ات۔
0 Response to " ٹک ٹاک مردمانی ذاتی ڈیٹا ہاں ایندگہ کمپنیاناں سرکنگ ءَ اِنت"
Post a Comment