انسٹاگرامءَ کورونا ءِ بابتءَ”کووڈ 19“ءِ فیچربندات کرتگ

 Pexels فوٹو بشکریہ 

فوٹو شیئرنگ ءِ نامداریں ایپ انسٹاگرام ءَ وتی اسٹوری فیچر ءِ تہا کورونا ءِ بابتءَ راستیں معلومداری ءِ کار بندات کرتگ۔

انسٹاگرام کمپنی ءَ ہمے زوتاں ”ٹوئٹر“ ءِ تہا وتی یک ٹویٹے شنگ کرتگ ء ُ  گشتگ کہ جان سلامتی ءِ بااعتباریں گلاں چہ کووڈ 19ءِ بابتءَ معلومداری زوریں ء ُ اسٹوری ءِ تہا شنگ کنیں تاکیں انسٹاگرام ءِ کارمرز کنوکاں راستیں معلومداری  سر بہ بیت۔

کمپنی ءِ نیمگءَ اے ام گشگ بوتگ کہ باز زوت کووڈ 19ءِ بابتءَ معلومداری نیوز فیڈءِ تہا ام آرگ بیت۔

چوناہا سوشل میڈیا ءِ تہا کورونا وائرس ءِ بابتءَ دروگیں ھالانی گیشی ودادن اِنت۔ء ُ اے وڑیں دروگیں ھالانی دارگءِ واستہ ہمک ایپ کمپنی وتی وس ءِ ھسابءَ کار ءَ اِنت۔

انسٹاگرام ءِ اسٹوری فیچر ءِ تہا کووڈ 19ءِ آرگ ہمے دروگیں ھالانی گرء ُ داراِنت۔

٭٭٭