سام سنگ گلیکسی نوٹ 10ءِ دیمدرائی ءِ رمس ءِ جار

اے عکس چہ  سام سنگ ءِ منتءَ شنگ کنگ بوہگا اِنت

سام سنگ ءَ 7اگستءَ وتی فلیگ شپ فون ءِ دیمدرائی ءِ جار پرینتگ۔ 

یاد بہ بیت کہ گوستگیں ماہ ءَ اے گپ دیما اتکگ کہ سام سنگ ءِ نیمگءَ گلیکسی نوٹ 10،7اگست ءَ نیو یارک ءَ یک مراگشے ءِ تہا پیش کنگ بیت ۔ ءُ نوں سام سنگ ءَ اے گپ  من اِتگ۔

سام سنگءَ وَ چوش نہ گشتگ کہ 7اگستءَ نوکیں گلیکسی نوٹ10فون پیش کنگ بیت ۔ بلے دعوت نامہ ءِ سرا کہ ہماعکس کہ کارمرز کنگ بوتگ آ ہمءگلیکسی نوٹ 10ءِ نیمگءَ اشارہ کنگءَ اَت۔ 

اے عکس ءِ تہا یک اسٹائلوس ے است اَت وہدے کہ پُشت ءِ اسپیتیں عکس ءِ تہا یک کیمرہ لینس ے گندگ ءَ کئیت۔

ءُ اے گشگ ءِ ضرورت نہ اِنت کہ گلیکسی نوٹ سیریز ءِ جوانیں گپ آئی ءِ اسٹائلوس یا ند(ایس پین )اِنت ۔ وہدے کہ گلیکسی نوٹ 10ءِ بابتءَ اے گپ ام دیما پیداک اِنت کہ اے بری ایس پینءِ تہا ام کیمرہ دئیگ بوہگءَ اِنت ۔

اے گپ ام دیما پیداک اِنت کہ اے فون اولی برا دو گستائیں ورژن ءَ گوں شنگ کنگ بیت ۔ کہ ایشانی تہا یک ماڈل ے ءِ تہا پُشتہ  چار کیمرہ بوت کن اَنت ۔ اے فون سام سنگ ءِ اولی فون بیت کہ ایشیءِ اسکرین ءِ برُز ءُ جہل ءِ بیزل ہلاس کنگ بیت ۔ وہدے کہ پنچ ہول کیمرہ کش ءِ بدلءَ اسکرین ءِ بُرزءَ توک ءَ توک دئیگ بیت ۔

اتکگیں ھالانی ردءَ گلیکسی نوٹ10ءِ یک ماڈلے 6.75انچ اسکرین ءِ گون ءَ کئیت ۔ وہدے کہ دومی ورژن ءِ تہا 6.3انچ ڈسپلے دئیگ بیت ۔

ایشی ءَ پیش ام بازیں گپے دیما اتکگ اَت کہ گلیکسی نوٹ 10ءِ تہا 45واٹ چارجنگ ءِ اسپیڈ دئیگ ءِ گمان اِنت کہ اولی بر اِنت سام سنگ ءِ فون ءِ تہا دئیگ بوہگ ءَ اِنت ۔

اے ام گشگ بوہگ ءَ اِنت کہ گلیکسی نوٹ پلس ءِ تہا سپر امولیڈڈسپلے ءِ ہوریءَ ایکسینوس 9828پراسیسریا سنیپ ڈراگون855پراسیسر دئیگ بیت ،

اے فون ءِ تہا اینڈرائیڈ پائی آپریٹنگ سسٹم دئیگ بیت بلے ایشی ءَ رند اینڈ رائیڈ کیو ءَ چہ اپ ڈیٹ کنگ بیت ۔